Alubad. 15 - Fanawbuid tagsibaliwas FakayabianAlubad 15 Dius at Fakaylatun sa sangay Tagseg Anya Dabid at alubad 1 Yawi, sinu ban at mananakbo sam bale ay at namanwan sam nafasaman fag buksul? 2 Ay Yawi gbalus te, “Ngay taw at manangakbang sa angku e ngay ugali takatatuy: Gugali at masine, ay glong at matuyan siginan at amatanganan at masine, 3 di gfalingun at ngay iba, ay di gfakamulun at mauri sat faduksay, 4 gaiyan ngay taw mauri, gfauseganan tua fagayu taw tagfaning Yawi, ay gfafasludan fagayu at fatuyanan dewa maidap, 5 wa get famamut sat ngay fagfabedanan, ay di gbul famayad laman nanfantabugan sat yud e asalanan.” Nusnga sinu tagfakamulun takatatuy mabayan tua nu gbanwan kabavn. |
Copyright © 2021 by OMF International, Philippines
OMF International