Alubad. 149 - Fanawbuid tagsibaliwas Fakayabian

Alubad 149 Famauseganan fag Alubad

¹ Segi Yawi! Alubadi sik bagu fag alubad sa anya. Gina am maful, alubadi segi anya, am fag ngay taw at matuyan sa anya.

² Ngay taw Israel, useganani sa ay Takawat, Ay am fag ngay taw tagbanwan sis Siun, useganani sa ay Fun Dius.

³ Fauseganani anya siginan nu gfalelegan am ay ngay afud bilug, ay nu gfasfuan am gfawang fagfawangun ke ngay bakyang ay fagfadkalinganun.

⁴ Aroro Yawi guseganan tua at nafili fag ngay taw, ay kanya gfababo takamababaun.

⁵ Am fag ngay taw at matuyan sas Yawi, useganani aroro nababo tuam, ay alubadi useganani dewa am si ay ngay fagtiugan.

⁶ Fagayu am uroi segi Dius, kaduge am gbakvd ay ngay fiso tagsumbalian at uyup,

⁷ laman namasud am ay namaurianan tibak talun at taw,

⁸ ay gagbilug am ngay salambitan laman ay fansiuk kafag ngay talun at ngay fun ay at ngay tagfangguna.

⁹ Namaurianan am anya fagayu, kata Dius at longan. Katanya Dius nu gfababo at ngay taw at matuyan tua gugat sa anya. Segi Yawi!