Alubad. 146 - Fanawbuid tagsibaliwas Fakayabian

Alubad 146 Fagusegananun sa Tagfalangfe fag Dius

¹ Segi Yawi! Gfauseganan au anya sas fagdaul ku amatanganan.

² Kabavn ban gfauseganan au Yawi ku Dius, ay kaduge kban gleleg, galubad au gfauseganan anya.

³ Lag am gafanud sat ngay mabalyanan, aroro kanya fagayu taw way ay wa mafalangfe.

⁴ Kanya ban fagayu nu nbul, kafoli way sas daga, ay fagayu ban at ngay algan kalyam yangay.

⁵ Dewa katanya, mauseganan tua sik taw at taggubuk nu Akub tua at fagsegan fag Dius, ay at fagsegun nu siginan tuas Yawi,

⁶ at nawat banwa ay daga, ay anggan dagat ay fagayu tagsanya. Kabavn ban, Dius gfafasludan fagayu at fatuyanan.

⁷ Yawi gfon tua fagmatuyanun sa tagafalingunan fag ngay taw, ay gfon fakonun sa sangay takalunus. Ay gfalfas at ngay maubungan.

⁸ Yawi gfasik taglag ngay yud glag, ay gfabitsug fagayu at kinmomuy, ay kesug fagayu at matuyan.

⁹ Kanya galaga tua ngay betaw, ay ggubuk at yud e fagtainan ya anggan ngay fagbubayun. Dewa katanya, kanya gsalag way ngay taw mauri at ngay algan.

¹⁰ Yawi ban nu gfagtainan, di e fakatabuan. Am fag ngay taw tagbanwan sis furuan Siun, ay Dius Yawi wan, ay kanya yangay ban fagayu ay kasugfunanan at Dius. Segi Yawi!