Alubad. 137 - Fanawbuid tagsibaliwas Fakayabian

Alubad 137 Ngay Taw Israel Kabalu aroro Natabanan

¹ Gina ami sis talun Babilunya, namalunggung ami si sangay liskung at tigyangan ay nawayway, aroro namatang ami Siun fag furuan daul.

² Ay nasayang way lang mi em ngay fagfawangun si sangay kayu at ngay sanga.

³ Ay at nataban emi, nalong emi te, “Alubadi sa emi at mauseganan fag ngay alubad tagsabaliwas furuan daul Siun.”

⁴ Dewa katanya, tain ro nu maalubad ami sas Yawi, nu si waymi tibak talun?

⁵ Ku siun ban nangus fag take umlukme, nu nalyam kway furuan Erusalem.

⁶ Kwa ban nangus maringang ya, kway gamatangan ya sabaliwas Erusalem, ay kway gtuyan te, siginan anya ku fagusegananun.

⁷ Yawi, amatangi ngay taw Edum at ngay nalong gina talun Babilunya at ngay tagfawayan giklas Erusalem. Kanya fagayu nalong te, “Iklasi wan ay rufai kafag furuan!”

⁸ Ngay taw Babilunya, umkamin ban am. Mauseganan ban nusnga sinu at nanamaurianan ayu, kata ay nafakamulun sa emi.

⁹ Ay mauseganan yangay ban nusnga sinu at nanamul ay ngay sisian, ay at namafalang sa sangay gang.