Alubad. 136 - Fanawbuid tagsibaliwas Fakayabian

Alubad 136 Fagusegananun fag Alubad

¹ Fauseganani Yawi, aroro kanya matuyan. Nu mafangesug di e fakatabuan.

² Ay fauseganani anya, aroro sia tua Tiba Tungud fag Dius. Nu mafangesug di e fakatabuan.

³ Fauseganani ngay fun at Fun. Nu mafangesug di e fakatabuan.

⁴ Kanya tua tam fagfausegananun, aroro kanya gfakamulun nusnge wain at madulo. Nu mafangesug di e fakatabuan.

⁵ Siginan at fagsafulun, kanya nawat banwa. Nu mafangesug di e fakatabuan.

⁶ Kanya nafae daga sis tungud mamam. Nu mafangesug di e fakatabuan.

⁷ Kanya nawat menit ay magdanun. Nu mafangesug di e fakatabuan.

⁸ Kanya nawat menit laman gyamag galay menit. Nu mafangesug di e fakatabuan.

⁹ Ay nawat yangay magdanun ay ngay galeme, laman gyamag galay yabi. Nu mafangesug di e fakatabuan.

¹⁰ Kanya nafabul ngay taw Igiptu at ngay sisian at tiba kaka. Nu mafangesug di e fakatabuan.

¹¹ Kanya nafalfas ngay taw Israel siginans talun Igiptu. Nu mafangesug di e fakatabuan.

¹² Siginan at fagmabalyananun, kanya nafalfas anya fagayu. Nu mafangesug di e fakatabuan.

¹³ Kanya nafalanggang Dagat Maraska. Nu mafangesug di e fakatabuan.

¹⁴ Ay at nafili fag ngay taw Israel nalao nadife sanya fag dagat. Nu mafangesug di e fakatabuan.

¹⁵ Kanya nafalimus sanya talun Igiptu at fun, gasfuan at ngay tagfawayan. Nu mafangesug di e fakatabuan.

¹⁶ Kanya naufud at ngay taw sis talun at yud e taw. Nu mafangesug di e fakatabuan.

¹⁷ Kanya nafabul at mabalyanan fag ngay fun. Nu mafangesug di e fakatabuan.

¹⁸ Kanya nafabul takadungug fag ngay fun. Nu mafangesug di e fakatabuan.

¹⁹ Kanya nafabul fun Sikun, ngay taw Amur at fun. Nu mafangesug di e fakatabuan.

²⁰ Ay nafabul yangay fun Ug, talun Basan at fun. Nu mafangesug di e fakatabuan.

²¹ Kanya nafagbilug kafag ngay fun at talun sat nafili fag ngay taw laman at fagagbilugun. Nu mafangesug di e fakatabuan.

²² Kanya nafagbilug kafag talun sat fagsuguan fag ngay taw Israel. Nu mafangesug di e fakatabuan.

²³ Kanya di nalyam antam gina tam mamomuy ay gafaplan. Nu mafangesug di e fakatabuan.

²⁴ Kanya nafalangfe tua antam siginan tam ngay fawayan. Nu mafangesug di e fakatabuan.

²⁵ Kanya nafon fakonun sas fagayu at awatan tagleleg. Nu mafangesug di e fakatabuan.

²⁶ Nu katanya, fauseganani tagsis banwa fag Dius. Nu mafangesug di e fakatabuan.