Alubad. 130 - Fanawbuid tagsibaliwas Fakayabian

Alubad 130 Fagafanudun sas Yawi Gina e Fagidapun

Alubad gina gundaud sas Erusalem.

¹ Yawi, guro au emu aroro maksvn wan nu gidapan au, kata nu si au tangabasad fag mamam.

² Dungugi angku nu gfainfanyuan au get sa emu.

³ Yawi ku Fun, nu nariruk ro wo em ngay asalanan, sinu ya ro at kumsawad si emi, sim daga salubangan?

⁴ Dewa katanya, nafalyam tuo em ngay asalanan, laman gsuyu tuami emu.

⁵ Yawi, gfanya au emu sas fagdaul ku amatanganan, ay ku fagsegun siginan way lang am longan.

⁶ Nu gfanya au emu, gtungud yap tua sik tagulit nu kanbang nu kamenit.

⁷ Ngay taw Israel, afanudi sas Yawi, aroro kanya tua at mafangesug ay at mafalganan gfalangfe.

⁸ Kanya tua at mafalangfe ayu siginan ay ngay asalanan.