Alubad. 13 - Fanawbuid tagsibaliwas Fakayabian

Alubad 13 Darangin laman Ggubuk

Laman sa tagfangguna alubad: Dabid at alubad.

¹ Yawi, seduge ya ban nu yud o gamatang angku? O kabavn tua ban? Ay seduge ya ban nu gsuksuan o gugat angku?

² Seduge ya ban nu gidapan au gamatangan? Fagayu menit kabalu au. Seduge ya ban manga ku fawayan nu gbabo gugat angku?

³ Yawi, ku Dius, dungugi angku ay balusi ku darangin. Dogi yap fabitsugi angku laman kya kabul,

⁴ ay laman ku fawayan wa malong ya te, “Nababo ami anya.” Ay lag gfabayan kanya nu guseganan maksvn sa nu gfaplan angku.

⁵ Yawi, gafanud au te, mafangesug tuo. Ay guseganan au aroro nafalangfe o angku.

⁶ Ay galubad au sa emu, aroro siginan ebi masine tuo gugat sa angku.