Alubad. 129 - Fanawbuid tagsibaliwas FakayabianAlubad 129 Darangin laman Gaiyan ngay Taw Israel at ngay Fawayan Alubad gina gundaud sas Erusalem. 1 Ngay taw Israel, longi te, “Siginan nu mabaguama ami, em ngay fawayan gfaidapan emi. 2 Siginan nu kasik talun ami, kanya fagayu ngayu ginan wan nu gfaidapan emi, dewa katanya, wa nababo emi. 3 Kanya fagayu nafae fakarukan si em ngay guyuy, kata sik daga at maalian. 4 Dewa katanya, Yawi matuyan tua. Nu katanya, kanya nafalfas emi siginan at mauri fag ngay taw nu gfagsuguan emi.” 5 Ngay taw nangus takauri furuan Siun, lumagyu ginkaplan. 6 Kanya nangus fagayu umkata sik makmak at natugbung sis tungud bale, at kin-gong way vtv. 7 We namaful ya takatanya fag makmak, ay wa yangay e namutus laman gbuba. 8 Ngay taw ban nangus tagdalan sanya, wa glong sa kafag ngay taw mauri te, “Yawi ban nangus ggubuk ayu.” Ay wa yangay ban nangus e nanlong te, “Gfadante ami ayu siginan Yawi at ngayan.” |
Copyright © 2021 by OMF International, Philippines
OMF International