Alubad. 128 - Fanawbuid tagsibaliwas Fakayabian

Alubad 128 Yawi at ngay Famonun sa sangay Taw Tagfaning Anya

Alubad gina gundaud sas Erusalem.

¹ Mauseganan tua ngay taw tagsuyu Yawi, ay tagbanwan kata at balyawvtan.

² Nu katanya tua nu gbanwan o, o tua ban takon am nainlufuyan, ay umke ramraman ban o, ay e fagmanabayanun.

³ Am mangena kata sik tanum wat ubas si ay akbang bale at ke ngay rawvg. Ay am ngay sisian at maligung si ay fagfangonan, kata sik ngay ulibu at bagu katanum.

⁴ Kata kanya Yawi nu ggubuk nusnga sinu tagsuyu anya.

⁵ Yawi ban nangus gfadasug at gubuk sa emu siginan at bale tagsis Buksul Siun. Ay kaduge ban o nangus gleleg, Erusalem e fagmanabayanun tua.

⁶ Nalag yay ban o nangus am ngay fufu. Ay Israel ban nangus umke fagmanabayanun.