Alubad. 125 - Fanawbuid tagsibaliwas Fakayabian

Alubad 125 Dius at ngay Taw nu Kalangfe

Alubad gina gundaud sas Erusalem.

¹ Fagayu tagafanud sas Yawi, di kauig kata Buksul Siun, ay katanya tua gugat.

² Yawi munakbang tua gugat sit ngay taw kabavn, kata ngay buksul at maligung sis furuan Erusalem.

³ At mauri fag taw wa mafagtainan ngaduge sat matuyan fag ngay taw at talun, laman at matuyan fag ngay taw di gfaning at fakamulun.

⁴ Yawi, fakamuluni at masine sa sangay taw at masine, ay sa sangay taw at matuyan at amatanganan.

⁵ Dewa katanya, aiyani wan am ngay taw takamabo, kata sik taw at nalao sat mabaraud fag dalan. Ay fagamuti anya sa sangay taw tagfakamulun at mauri. Israel, sumawa nangus fia emu fagmanabayanun!