Alubad. 124 - Fanawbuid tagsibaliwas Fakayabian

Alubad 124 Dius Gfalangfe at ngay Taw

Alubad gina gundaud sas Erusalem. Dabid at nariruk.

¹ Ngay taw Israel, setain ro Yawi way nagubuk ya antam?

² Ngay taw Israel, fadogi yap longi te, Setain ro, Yawi nu dway naufud ya ay nafalangfe antam, gina tam ngay fawayan gfawayan antam?

³ Kanya ro fagayu nafabul wan antam, aroro maksvn nu kadotama antam, kata sik ule tagngvp wan nusnge wain dewa gleleg yay,

^4-5 ay kata yangay ro nu nlubgub tam ay nlimus sat magaras fag lugwak.

⁶ Segi Yawi, aroro di naylat tam ngay fawayan nu gbabo antam, kata ngay liun nu kagat.

⁷ Ay nalagyu tua tam, kata sik manuk tungud at nalfas siginan at narit fag sangdaw.

⁸ Yawi wan at nawat banwa ay daga, ay kanya wan tam taggubuk.