Alubad. 120 - Fanawbuid tagsibaliwas Fakayabian

Alubad 120 Darangin laman Dius Ggubuk

Alubad gina gundaud sas Erusalem.

¹ Gina au anke fagidapun, nadarangin au sas Yawi, ay kanya nabalus tua angku.

² Yawi, falangfei angku siginan takamuag fag ngay taw.

³ Ngay taw takamuag, nataw ban Dius at fakamulun ay at faurianan sa ayu?

⁴ Kanya ban gfaurianan ayu siginan ngay bangko ke ngay afuy tagigang.

⁵ Afanyuan au, aroro nu gbanwan au magamut way sit mauri fag ngay taw sis Mesek ay sis Kedar.

⁶ Ngaduge wan nu gbanwan au si sangay taw at yud kaylat fagmanabayanun.

⁷ Ku fakaylatun fagmanabayanun, dewa katanya, nu nalong au sabaliwas fagmanabayanun, kanya fagayu at fakaylatun awayan way.