Alubad. 113 - Fanawbuid tagsibaliwas Fakayabian

Alubad 113 Fagusegananun aroro sas Dius at Fagmasineun

¹ Segi Yawi! Am at ngay fagsuguan, segi anya!

² Segi Yawi katsi ay kabavn ban.

³ Am fag ngay taw tagsis fakamenitan ay anggan tagsis fakayabian, fauseganani Yawi at ngayan.

⁴ Yawi gfagtainan fagayu talun at ngay taw, ay di e mafasud at fagmabalyananun.

⁵ Sinu at mafasud Yawi tam Dius? Kanya malunggung sit mabalyanan fag fagmalunggungan sis banwa,

⁶ ay kanya grungan laman gdama banwa ay fagdaul daga.

⁷ Ay kanya ggubuk at yud e kwa ay tagayudan gina gidapan.

⁸ Ay gfauseganan anya fagayu gasfuan at ke fanambagun fag ngay taw.

⁹ Kanya gfae sisian ngay mangena tagaranas, laman kanya fagayu guseganan, aroro ansik ngay mina tua. Segi Yawi!