Alubad. 11 - Fanawbuid tagsibaliwas Fakayabian

Alubad 11 Fagafanudun sas Yawi

Laman sa tagfangguna alubad: Dabid at alubad.

¹ Gafanud au sas Yawi ku fagsarigan. Nu katanya, wam malong sa angku te, “Layugi wan sa tangabat fag buksul kata sik manuk tungud at nanuksuan,

² aroro at mauri fag ngay taw gton wan at ngay godun. Ay gsuksuan gfatiuan laman gfana at matuyan fag ngay taw.

³ Tain ya ro at matuyan fag taw at fagmafakamulunun nu gakarasrasun wan fagayu nusnge wain?”

⁴ Yawi gbanwan sit bale, sit faglunggungan sis banwa. Ay kanya ginsaful ngay taw at amatanganan.

⁵ Kanya ginsaful at matuyan ay at mauri. Ay kanya kadotama at takamabul fag taw.

⁶ Kanya namatong singsing tagigang, ay nanguyup at masugba fag tagmara sat mauri fag ngay taw, laman gfaurianan kanya fagayu.

⁷ Yawi matuyan tua. Kanya kesug tua ngay taw tagfakamulun at matuyan. Ay fagayu tagugali takatatuy manangalo tua ban anya.