Alubad. 108 - Fanawbuid tagsibaliwas Fakayabian

Alubad 108 Darangin laman Dius Ggubuk

Dabid at alubad.

¹ Dius, gafanud au sa emu, nu katanya, kwe fagafanawaun. Galubad au gfauseganan emu sas fagdaul ku amatanganan.

² Ay kafulo au masurip, ay namawang au ngay fagfawangun at ke ngay bakyang.

³ Yawi, gfauseganan au ay galubad sa emu si sangay talun at ngay taw.

⁴ Aroro we gfasud nu mafangesug o ay nu matuyan o, ay gtungud yay banwa at kadaulan.

⁵ Dius, fabati am ngayan laman gtungud yap tua sbanwa, ay falagi am fagmasineun sas fagdaul daga.

⁶ Siginan am fagmabalyananun, dungugi ay falangfei emi, am fakesugun fag ngay taw.

⁷ Dius, gina ami sim bale nalong o te, “Namabo kwan, ay nangafud furuan Sekem ay datag Sukut, laman sa ku ngay taw.

⁸ Gilyad ay Manase ku fagagbilugun, ay Efraim ku famalabag ay Uda ku tagfangguna.

⁹ Muab ku fagsuguan, ay Edum ku fagagbilugun. Guro au laman famasaful te, nababo kwan ngay taw Filistia.”

¹⁰ Dius, sinu at mafababo angku sas talun Edum at ngay furuan ayu daul at ke ngay alad gang?

¹¹ Em Dius, o naiyan wo emi? O ay wa ban o galo ya em ngay tagfawayan?

¹² Em Dius, gubuki emi nu gfawayan ami em ngay fawayan,

¹³ aroro em taggubuk nu taw way, we fanambagun.