Alubad. 101 - Fanawbuid tagsibaliwas Fakayabian

Alubad 101 Fun at Fatuyanan

Dabid at alubad.

¹ Yawi, galubad au sik alubad famauseganan emu, sabaliwa nu mafangesug o ay nu matuyan o.

² Ay dewa kban si ku bale, nangugatan au namakamulun at matuyan. Yawi, ginain ya ban nu kadasug o sa angku?

³ Kwa kaylat glag fagayu at yud e tungkul, ay kauri au fakamuagun, ay gsaruy au fagayu takatanya.

⁴ Kayayu au siginan at mauri fag ngay amatanganan, ay gsaruy au fagayu at mauri.

⁵ Gfaurianan au ngay taw taglong mauri sabaliwa at ngay iba. Ay kwa manabayan gbanwan magamut ngay taw takamatungudun.

⁶ Gfili kban at matuyan fag ngay taw laman ban ku faudgufudan, ay kanya ban fagayu ku ngay tagfakamulun yangay.

⁷ Kwa kaylat takamuag fag ngay taw nu gbanwan si ku bale, ay kwa yangay kaylat kanya fagayu nu kae fagmakatuun si ku daga salubangan.

⁸ Kayu balabag, gfabul au at mauri fag ngay taw, laman ban we taw ya takatanya sis Yawi at furuan.