1 Krunika 9 - Fanawbuid tagsibaliwas Fakayabian

¹ Fagayu taw Israel anriruk sas fagrirukan ngay gaban, magamut sis fagrirukan sabaliwa ngay fun sis talun Israel. Ay ngay taw Uda natabanan sas talun Babilunya aroro kanya fagayu wa matuyan sas Dius.

² Taguna at kinfoli sat ngay furuan sat mesa talun, yud e fanambagun fag ngay taw Israel, ngay tagfon fanggalangun, ngay taw Lebi, ay ngay tagfakamulun sis Yawi at bale.

³ Ay Uda, Benamin, Efraim ay Manase at ngay kasugfunanan at kinfoli ay at nabanwan siginans Erusalem:

⁴ Utay, Amyud at baguama. Ay Amyud, Umri at baguama. Ay Umri, Imri at baguama. Ay Imri, Bani at baguama, kanya siginans Peres at gaban ay Uda at baguama.

⁵ Ay Silu at gaban: Asaya kafag gaban at kaka, ay at ngay sisian.

⁶ Ay Sera at gaban: Yuel fag talanan. Tagsiginan Uda at kasugfunanan unumk sandan siamk safulu.

⁷ Ay siginan Benamin at kasugfunanan: Salu, Mesulam at baguama (Mesulam, Udabya at baguama, ay Udabya, Asenua at baguama),

⁸ ay Ibneya, Erukam at baguama, ay Ela, Usi at baguama (Usi, Mikri at baguama), ay Mesulam, Sefatya at baguama, (Sefatya, Reuel at baguama, ay Ruel, Ibniya at baguama.)

⁹ Kanya fagayu tagfangguna at ngay talanan siginan Benamin at kasugfunanan, ay siginan at gaban ngay mangama at kinfoli, siamk sandan limak safulu e unum, kata at marirukan sit ngay kasugfunanan.

¹⁰ Ay ngay tagfon fanggalangun: Edaya, Euyarib, Akin,

¹¹ ay Asarya tiba tungud fag tagfakamulun sis Dius at bale, (Asarya, Kilkya at baguama, ay Kilkya, Mesulam at baguama, ay Mesulam, Saduk at baguama, ay Saduk, Merayut at baguama, ay Merayut, Akitub at baguama.)

¹² Adaya, Erukam at baguama (Erukam, Pasur at baguama, ay Pasur, Malkya at baguama), ay Maasay, Adyel at baguama (Adiyel, Asera at baguama ay Asera, Mesulam at baguama, ay Mesulam, Mesilemit at baguama, ay Mesilemit, Imer at baguama.)

¹³ Ay fagayu tagfon fanggalangun at kinfoli siginan at fagatabananan sadik libu fituk sandan unumk safulu. Kanya fagayu saful gfangguna at ngay talanan. Ay kanya fagayu fagfatigwanan tagfakamulun sis Dius at bale.

¹⁴ Ay taw Lebi: Semaya, Kasub at baguama (Kasub, Asrikam at baguama, ay Asrikam, Kasabya at baguama, tagsiginans Merari at gaban.)

¹⁵ Bakbakar, Keres, Galal, Matanya, Mikas at baguama (Mikas, Sikri at baguama, ay Sikri, Asaf at baguama.)

¹⁶ Ay Ubadyas, Semaya at baguama (Semaya, Galal at baguama, Galal, Edutun at baguama), ay Berekya, Asa at baguama ay Elkana at fufu, at nabanwan si sangay taw Netufa at furuan.

¹⁷ Ay ngay tagulit sakbawan: Salum, Akub, Talmun, Akiman ay at ngay kalongan. Ay Salum tagfangguna anya fagayu.

¹⁸ Dasug katsi, kanya yay fagayu tagulit fun at sakbawan tagsis furuan sfakamenitan baliwa. Kanya fagayu ebi tagulit sakbawan tagsabaliwa ngay taw Lebi at fagmafulan.

¹⁹ Ay Salum, Kuri at baguama ay Ebyasaf at fufu siginan Kura at gaban. Ay fagfatigwanan tagulit bale ramit at sakbawan, Salum ay at ngay kalongan, kata ebi nu gfatigwanan sat ngay mangaguyang nu gulit Yawi at bale.

²⁰ Ay Finekas, Elyasar at baguama tagfunan ebi ngay tagulit sakbawan, ay Yawi gufud anya.

²¹ Ay Sakaryas, Meselemya at baguama sik tagulit yangay Yawi at sakbawan bale.

²² Tagulit sakbawan nu fagayu wan, duak sandan labi dua, ay kanya fagayu anriruk sat ngay gaban at fagrirukan sit furuan. Dabid ay Samwel fag taglong nafatigwanan sa kafag ngay taw at mangaguyang laman tagulit sakbawan, aroro kanya fagayu matuyan tua.

²³ Kanya fagayu ay at ngay gaban at fagfatigwanan tagulit ngay sakbawan sis Yawi at bale, at ngayan yangay te, Bale Fagnangablanganan.

²⁴ Kanya fagayu gulit ufatk fugungan: sis fakayabian, sis fakamenitan, ay sis alvngvdan fagdua.

²⁵ Tibaginan at ngay kalongan tagbanwan si sangay furuan gungbus tua gulit kaduge fituk menit.

²⁶ Dewa katanya, at ufatk tagfangguna fag ngay tagulit, tagsiginans Lebi at kasugfunanan, at fagfatigwanan laman galaga ngay suluk ay ngay fagfungsuan ramraman sis Dius at bale.

²⁷ Ay kanya fagayu gintiugunan gulit Dius at bale, aroro at fakamulun tagulit, ay kanya yangay fagayu tagluang sakbawan galay balabag.

²⁸ Ay tiba si anya at fagfatigwanan tagfakamulun sa sangay fagagbilugun gina gseg. Ay kanya fagayu gtap yay ngay fagagbilugun gina namasigad ay gina ntabu gseg laman at fanginsaful te, o di e nalyam.

²⁹ Ay nafatigwanan sa tibak tagalaga tiba yak fagagbilugun sis Yawi at bale, kata fangawat tinapay, fanlangu, langis, fagirugun fag famaebebanglu fag lune, ay ngay famaenamnam.

³⁰ Dewa katanya, ngay tagfon fanggalangun tua tagfasine ngay famaenamnam.

³¹ Matitya tagsiginans Lebi at kasugfunanan ay Salum at baguama tagsiginan Kura at kasugfunanan, at fagfatigwanan tagfatama tinapay laman at fanggalangun.

³² Ay tiba Kuat at gaban at fagfatigwanan laman gfalganan ay tagfoli ngay tinapay sas fagfatungkudan galay Famiangalay fag Menit.

³³ Ay ngay tagfawang sis Yawi at bale tagsiginans Lebi at gaban, si yangays Yawi at bale at ngay suluk nu gbanwan. Ay kanya fagayu we tiba yak fakamulun, aroro kayu menit ay yabi gfakamulun wan.

³⁴ Kanya fagayu tagfangguna ngay talanan sis Lebi at kasugfunanan, ay anriruk sas fagrirukan at ngay kasugfunanan. Ay kanya fagayu nabanwan sis Erusalem.

Saul at Gaban

³⁵ Eyel, Gibyun at mama, nabanwan sis Gibyun. At mangena at ngayan Maaka.

³⁶ Ay at ngay baguama siginan at kaka sitsigon at arian: Abdun, Sur, Kis, Baal, Ner, Nadab,

³⁷ Gedur, Akyu, Sakaryas, ay Miklut.

³⁸ Miklut, Simyam at mama. Kanya fagayu nabanwan munakbang sit ngay kalongan sis Erusalem.

³⁹ Ner, Kis at mama ay Kis, Saul at mama, ay Saul at ngay baguama Yunatan, Malki-Sua, Abinadab ay Esbaal.

⁴⁰ Ay Yunatan at baguama Merib-Baal. Ay Merib-Baal Mikas at mama.

⁴¹ Ay Mikas at ngay baguama: Pitun, Melek, Takrea, ay Akas.

⁴² Akas, Ada at mama, ay Ada at ngay baguama: Alemet, Asmabet ay Simri. Ay Simri Musa at mama,

⁴³ ay Musa, Binya at mama. Ay Binya at baguama Refaya, ay Refaya at baguama Elyasa, ay Elyasa at baguama Asel.

⁴⁴ Ay Asel e unumk baguama: Asrikam, Bukeru, Ismael, Searya, Ubadyas ay Kanan.