1 Krunika 24 - Fanawbuid tagsibaliwas Fakayabian

Ngay Tagfon Fanggalangun at Fakamulun

¹ Katatuy Arun at ngay gaban nu maafudan: at ngay baguama: Nadab, Abyu, Elyasar ay Itamar.

² Dewa katanya, Nadab ay Abyu naguna at mama Arun anbul ay wa nke sisian, nu katanya, Elyasar ay Itamar at nafakamulun laman sik ngay tagfon fanggalangun.

³ Ay Saduk tagsiginan Elyasar at gaban, ay Akimelek tagsiginan Itamar at gaban, nagubuk fun Dabid laman gafud Arun at gaban laman namakamulun sat mesa fakamulun.

⁴ Ay kanya nafud yangay sas labi unumk afud Elyasar at gaban, ay nafud yangay sas waluk afud Itamar at gaban, aroro sis Elyasar at talanan ayu yap tua tibak gaban at ngay tagfangguna.

⁵ Ay fagayu fakamulun nafud sa sangay tagfakamulun siginan nu ginsaful, aroro e gfangguna tagfakamulun sas Yawi at bale siginan Elyasar ay Itamar at gaban.

⁶ Semaya, Netanel at baguama tagriruk ngay taw Lebi at ngay ngayan. Kanya nariruk ngay tagfon fanggalangun at ngay ngayan sis fun at salubangan, ay ngay tagfangguna: Saduk fag tagfon fanggalangun, Akimelek, Abyatar at baguama, ay tagfangguna ngay talanan fag ngay tagfon fanggalangun ay ngay taw Lebi. Elyasar ay Itamar at ngay gaban gungbusan nu gfafidfilian.

⁷ Taguna at nafili Euyarib ay at fadua Edaya,

⁸ at fatulu Karim, ay at faufat Seurim,

⁹ at falima Malkya ay at faunum Miamin,

¹⁰ at fafitu Akus, ay at fawalu Abya,

¹¹ at fasiam Eswa, ay at fasafulu Sekanyas,

¹² at falabi sadi Elyasib ay at falabi dua Akim,

¹³ at falabi tulu Kupa ay at falabi ufat Esebeab,

¹⁴ at falabi lima Bilga, ay at falabi unum Imer,

¹⁵ at falabi fitu Kesir, ay at falabi walu Apises

¹⁶ at falabi siam Petakya, ay at faduak safulu Ekeskel,

¹⁷ at faduak safulu e sadi Akin, ay at faduak safulu e dua Gamul,

¹⁸ at faduak safulu e tulu Delaya, ay at faduak safulu e ufat Maasya.

¹⁹ Kanya fagayu nafakamulun at ngay fanambagun sis Yawi at bale kata at mangaguyang Arun at nafon fag fagaloan siginans Yawi, Israel at Dius.

Ngay Tagfangguna taw Lebi at ngay Talananan

²⁰ Kayu tuy tagfangguna at iba Lebi at talananan: Siginan Amram at gaban Subael. Ay siginan Subael at gaban Edeya.

²¹ Ay siginan Rekabya at gaban Isya, tagfangguna at talanan.

²² Ay siginan Isar at gaban, Selumut. Ay siginan Selumut at gaban, Akat.

²³ Ay siginan Kebrun at gaban, Erya, tagfangguna at talanan, Amarya at fadua, Akasyel at fatulu ay Ekameam at faufat.

²⁴ Ay siginan Usyel at gaban, Mikas, ay siginan Mikas at gaban, Samir,

²⁵ ay siginan Isya at gaban, Mikas at faduksay Sakaryas,

²⁶ ay siginan Merari at gaban, Makli ay Musi. Ay siginan Aasya at gaban, Binu.

²⁷ Ay siginan Merari at gaban, Aasya at ngay baguama: Binu, Suam, Sakur ay Ibri.

²⁸ Ay siginan Makli at gaban, Elyasar, at yud e baguama.

²⁹ Ay siginan Kis at gaban, Erakmel.

³⁰ Ay siginan Musi at gaban: Makli, Eder ay Erimut. Kanya ngay taw Lebi siginan at ngay talananan.

³¹ Kata Arun at ngay gaban at nafakamulun, kanya fagayu nafafidfilian yangay laman saful at ngay fanambagun, nusnga seyu at banwa. Kanya fagayu nafakamulun sis salubangan fun Dabid, ay Saduk, Akimelek ay tagfangguna ngay tagfon fanggalangun at talananan, ay taw Lebi.