Psailm 98 - An tSaltair nó Sailm Ḋáiḃí 1965 (Ó Cuinn)

Salm 98. Cantate Domino.

¹ Canaigí don Tiarna aṁrán úrnua: ós é a rinne na fearta,

² Rug sé an bua dó féin: lena láiṁ ḋeas agus lena ġéag naofa.

³ Dʼḟógair an Tiarna a ṡlánú: dʼḟoilsiġ sé a ḟíréantaċt faoi ṡúile na bpágánaċ.

⁴ Ba ċuiṁin leis a ṫrócaire agus a ḟírinne do ṫeaġlaċ Iosrael: níl cúinne den doṁan naċ ḃfuil slánú ár nDé feicṫe aige.

⁵ Taispeánaigí ḃur n‑áṫas don Tiarna, a ṫíorṫa uile: canaigí agus bígí áṫasaċ agus tugaigí buíoċas.

⁶ Molaigí an Tiarna leis an gcláirseaċ: canaigí leis an gcláirseaċ salm buíoċais.

⁷ Le stoic agus le galltrompaí: taispeánaigí ḃur n‑áṫas roiṁ an Tiarna, an Rí.

⁸ Déanaḋ an ṁuir agus a ḃfuil inti tormán: an ċruinne agus a n‑áitíonn inti.

⁹ Buaileaḋ na haiḃneaċa a mbosa, agus bíoḋ áṫas ar na cnoic le ċéile roiṁ an Tiarna: ó ṫáinig sé le breiṫiúnas a ṫaḃairt ar an doṁan.

¹⁰ Taḃarfaiḋ sé breiṫ ḟíréanta ar an doṁan: agus breiṫ ċoṫrom ar na daoine.