Psailm 95 - An tSaltair nó Sailm Ḋáiḃí 1965 (Ó Cuinn)

Salm 95. Venite, exultemus.

¹ Téanam go gcanaimid don Tiarna: go líona cuṁaċt ár slánaiṫe ár gcroí dʼáṫas.

² Tagaimis ina láṫair le haltú: taispeánaḋ ár sailm ár lúċáir roiṁe.

³ Óir is Dia mór an Tiarna: agus is Rí mór os cionn na ndéiṫe go léir é.

⁴ Is ina láiṁ atá cuasa uile an talaiṁ: agus is leis mar an gcéanna cuṁaċt na gcnoc.

⁵ Is leis an ṁuir, agus is é a rinne í: is iad a láṁa a ḋealḃaiġ an talaṁ.

⁶ Téanam go n‑aḋraimid agus go n‑uṁlaímid: agus go ḃfeacaimid glún roiṁ an Tiarna a ċruṫaiġ sinn.

⁷ Óir is é an Tiarna é, ár nDia féin: agus is é atá ionainn, pobal a ṗáirce, agus caoiriġ a láiṁe.

⁸ Más inniu a éistfeas siḃ lena ġlór, ná cruaigí ḃur gcroí: mar ṫarla in am fadaiṫe na feirge, agus an lá a cuireaḋ an caṫú air san ḟásaċ.

⁹ Nuair a ċuir ḃur sinsear caṫú orm: nuair a ḋearḃaíodar mé aʼs a ċonaiceadar mʼḟearta.

¹⁰ Is ar feaḋ daiċead bliain ḃí mé do mo ċrá ag an nglúin seo: go dtí go ndúirt mé: Is ag an bpobal seo atá an croí claon, ó naċ eol dóiḃ mo ṡlite.

¹¹ Gur ṁionnaiġ mé dóiḃ im ḟearg: naċ ligfí iad isteaċ i mo ṡuaiṁneas‑sa.