Psailm 93 - An tSaltair nó Sailm Ḋáiḃí 1965 (Ó Cuinn)

Salm 93. Dominus regnavit.

¹ Is é an Tiarna is Rí, ċuir sé air éadaí na glóire: ċuir an Tiarna air a éadaí, agus ċrioslaiġ sé é féin le cuṁaċt.

² Ḋaingniġ sé suí na cruinne: go naċ féidir a corraí.

³ Ó ṫús an doṁain tá do ċaṫaoir ullṁaiṫe: is ón síoraíoċt atá tú ann.

⁴ Dʼéiriġ na tuilte, a Ṫiarna, dʼardaiġ na tuilte a nglór: ardaíonn na tuilte a dtonnta.

⁵ Dá ṫréine iad tonnta na farraige, agus dá uafásaí a mire: is tréine ná iad an Tiarna, a ḃíos ina ċónaí in Airde.

⁶ Níl ní is cinnte, a Ṫiarna, ná dʼḟianaisí: beiḋ an naofaċt go deo ag teaċt do do ṫeaċ.