Psailm 86 - An tSaltair nó Sailm Ḋáiḃí 1965 (Ó Cuinn)

Salm 86. Inclina, Domine.

¹ Claon anuas, a Ṫiarna, do ċluas, agus éist liom: ó táim i mboċtanas agus i mbuaireaṁ.

² Cuṁdaiġ mʼanam, ós naofa mé: saoraḋ mo Ḋia a ṡeirḃíseaċ, a ċuireas a ṁuinín ionat.

³ Bí trócaireaċ dom, a Ṫiarna: óir glaofaiḋ mé ort gaċ lá.

⁴ Taḃair sólás dʼanam do ṡeirḃísiġ: óir is ċugat, a Ṫiar na, a ardaím mʼanam.

⁵ Óir bíonn tú maiṫ, a Ṫiarna, agus carṫanaċ: agus mórṫrócaireaċ lena nglaonn ort.

⁶ Taḃair cluas, a Ṫiarna, dom urnaí: taḃair aire dom aċainíoċa uṁla atá á rá os ard.

⁷ Is ort a ġlaofas mé in am mo ḃuarṫa: ó ṫugann tú éisteaċt dom.

⁸ Níl do leiṫéid ann i measc na ndéiṫe, a Ṫiarna: ná níl sé ann a ḋéanfaḋ do ġníoṁarṫa.

⁹ Tiocfaiḋ gaċ cine dá ndearna tú dod aḋraḋ, a Ṫiarna: agus taḃarfaiḋ siad glóir dod Ainm.

¹⁰ Óir is tú tá mór, agus is iontaċ do ġníoṁarṫa: is tú aṁáin is Dia ann.

¹¹ Múin do ṡlí dom, a Ṫiarna, agus siúlfaiḋ mé id ḟírinne: snaiḋm mo ċroí duit féin, go raiḃ eagla orm roiṁ dʼAinm.

¹² Taḃarfaiḋ mé buíoċas duit, mo Ṫiarna Dia, ó iomlán mo ċroí: agus molfaiḋ mé dʼAinm go deo.

¹³ Óir is mór a ḃíos do ṫrócai re orm: agus tá mʼanam fuascailte agat ó ḟíoríoċtar ifrinn.

¹⁴ A Ḋia, tá drong an díomais i ndiaiḋ éir í im aġaiḋ: agus ċuaiġ buíonta de luċt na láiṁe láidre ar ṫóir mʼanma, gan tusa a ṫeaċt os coinne a súl.

¹⁵ Aċ is tú, a Ṫiarna, a ḃíos lán de ṫrua agus de ṫrócaire: is fadḟulangaċ tú, agus is fairsing do ṁaiṫeas agus dʼḟírinne.

¹⁶ Fill orm mar sin, agus déan trócaire orm: taḃair do ċuṁaċt do do ṡeirḃíseaċ, agus cuidiġ le mac do ċuṁaile.

¹⁷ Taispeáin orm dea‑ċoṁarṫa éigin, go ḃfeice luċt mʼḟuaṫa é, agus go raiḃ náire orṫu: de ḃrí gur tú, a Ṫiarna, a ṫug tarrṫáil dom agus a ċuir sólás orm.