Psailm 85 - An tSaltair nó Sailm Ḋáiḃí 1965 (Ó Cuinn)

Salm 85. Benedixisti, Domine.

¹ A Ṫiarna, is maiṫ a ḃí tú do do ṫír: ṫug tú braiġdean aiġ Iácóib aḃaile.

² Ṁaiṫ tú coir do ṁuintire: agus dʼḟolaiġ tú a bpeacaí go léir.

³ Lig tú uait do ḋíḃeirg uile: agus ċuir tú suas ded ḟearg ḟíoċṁar.

⁴ Iompaiġ sinn máisea, a Ḋia ár slánaiṫeoir: agus stad den ḟearg atá ort linn.

⁵ An go deo a ḃeiḋ tú míṡásta linn: nó an gcoṫóiḋ tú dʼḟearg ó ġlúin go ċéile?

⁶ An é nárḃ áil leat iompú arís agus sinne a ḃeoú: ionas go mbeifeá mar áḃar áṫais ag do ṁuintir?

⁷ Taispeáin dúinn do ṫrócai re, a Ṫiarna: agus bronn do ṡlánú orainn.

⁸ Éistfiḋ mé lena ndéarfaiḋ an Tiarna Dia i mo ṫaoḃsa: óir laḃróiḋ sé síoċáin lena ṁuintir, agus lena naoiṁ, ionas naċ dté siad leis an amaid í arís.

⁹ Óir bíonn a ṡlánú in aice an dreama darb eagal é: ionas go ḃfana an ġlóir inár dtír.

¹⁰ Tá coinne déanta ag an trócaire agus ag an ḃfírinne: ṗóg an ḟíréantaċt agus an tsíoċáin a ċéile.

¹¹ Fásfaiḋ an ḟírinne aníos as an talaṁ: agus dʼḟéaċ an ḟíréantaċt anuas ó neaṁ.

¹² Is deiṁin go dtaispeánfaiḋ an Tiarna carṫanaċt ġráṁar: agus go dtaḃarfaiḋ ár dtalaṁ uaiḋ a ṫoraḋ.

¹³ Siúlfaiḋ an ḟíréantaċt roiṁe: agus déanfaiḋ sé eolas dó sa tslí.