Psailm 83 - An tSaltair nó Sailm Ḋáiḃí 1965 (Ó Cuinn)

Salm 83. Deus, quis similis?

¹ Ná bí gan laḃairt, a Ḋia, agus ná fan i do ṫost: ná cuir cosc leat féin, a Ḋia.

² Óir siúd do naiṁ de ag monaḃar: agus luċt dʼḟuaṫa ag tó gáil a gcinn.

³ Ċumadar feall in aġaiḋ do ṗobail: agus ġlacadar coṁairle in aġaiḋ luċt do rúin.

⁴ Dúradar, Tagaigí, go dtarraingímid as na fréaṁaċa iad, ionas nár ṗobal iad feasta: agus go dté ainm Iosra el as cuiṁne.

⁵ Óir ċuadar dʼaontoil i gceann a ċéile: agus tá siad ceangailte le ċéile id éadan;

⁶ Pailliúin clainne Édom, agus cine Ismael: clann Moab agus muintir Hagar;

⁷ Gebal, agus Ammon, agus Amalec: na Filistíniġ agus luċt áitiṫe Tiorra.

⁸ Ċuaiġ Assur fós in éineaċt leo: ag cuidiú le clann Lot,

⁹ Aċ déan leo mar rinne tú ar ṁuintir Midian: ar Sisera agus ar Iabin ag aḃainn Cison;

¹⁰ A ċuaiġ ċun éaga ag Endor: agus a ḃí mar aoileaċ ar an talaṁ.

¹¹ Déan iad féin agus a dtaoisiġ mar Oreb agus mar Zéb: déan a ḃflaṫa uile mar Séba agus mar Salmana;

¹² An dream a deir, Glacaimis seilḃ: go mbí tiṫe Dé againn féin.

¹³ A Ḋia liom, déan iad mar ṡí gaoiṫe: mar an conlaċ roiṁ an ngaoṫ.

¹⁴ Mar an tine a loisceann an ċoill: agus mar ḟallscaoṫ ar ṡliaḃ;

¹⁵ Téaḋ do ḋoineann ar a dtóir: agus cuireaḋ do ṡéideán uafás orṫu.

¹⁶ Deargaiġ a n‑éadan le náire, a Ṫiarna: ionas go raiḃ siad ag iarraiḋ dʼAinm.

¹⁷ Go mba ṁóide dá n‑aiféala agus dá mbuaireaṁ: cuirtear náire orṫu agus scriostar iad.

¹⁸ Agus taḃarfar le fios dóiḃ gur tú, arḃ ainm duit Iáivé: gur tú aṁáin an Té is Airde os cionn an doṁain uile.