Psailm 81 - An tSaltair nó Sailm Ḋáiḃí 1965 (Ó Cuinn)

Salm 81. Exultate Deo.

¹ Canaimis go meiḋreaċ do Ḋia, ár gcuṁaċt: tógaigí gáir lúċáire roiṁ Dia Iácóib.

² Tógaigí an salm, ċugainn an tiompán: an ċaoinċruit agus an liúit.

³ Séidigí stoc in am na gealaí nua: san am atá ainmniṫe dúinn le féile sollúnta.

⁴ Óir cuireaḋ sin i ḃfeiḋm mar reaċt dʼIosrael: agus mar ḋlí de ḋlíṫe Dé Iácóib.

⁵ Dʼordaiġ sé sin mar ḟianai sé in Iósaf: nuair a ṫáinig sé as tír na hÉigipte, inar ċuala sé canúint ċoiṁṫíoċ.

⁶ Ṫug mé faoiseaṁ dá ġualainn ó iompar ualaċ: agus fuasclaíoḋ a láṁa ó ḃeiṫ ag déanaṁ soiṫeaċ.

⁷ Ġlaoiġ tú orm i do ḃuarṫa, agus dʼḟuascail mé tú: agus dʼéist mé leat nuair a luiġ an doineann ort.

⁸ Oʼḟéaċ mé ṫú fós: ag uis cí an imreasáin;

⁹ Á rá, Éistigí, a ṗobail liom, agus taḃarfaiḋ mé mo ḋeiṁin air daoiḃ: a Iosrael, má ṫugann tú cluas dom,

¹⁰ Dia coiṁṫíoċ ní ḃeiḋ eadraiḃ: ná ní aḋarfaiḋ siḃ dʼaon Dia eile.

¹¹ Is mé do Ṫiarna Dia, a ṫug amaċ as tír na hÉi gipte tú: foscail do ḃéal go fairsing, agus is mé a líonfas é.

¹² Aċ níorḃ áil le mo ṗobal éisteaċt le mo ġlór: níor ṫoil le hIosra el uṁlú dom.

¹³ Dá ḃrí sin, scaoil mé iad le mianta a gcroí féin: agus lig mé dóiḃ leanúint dar saṁlaíoḋ dóiḃ féin.

¹⁴ Nár ṫrua nár éist mo ṗobal liom: óir dá mbʼáil le hIosra el siúl i mo ṡlite,

¹⁵ Ba ġairid go mbeaḋ a naiṁde curṫa faoi ċois agam: agus dʼiompóinn mo láṁ ar a n‑eascairde.

¹⁶ Ḃeaḋ luċt fuaṫa an Tiarna ag uṁlú roiṁe: aċ ṁairfeaḋ a seal siúd go deo.

¹⁷ Ḃeaṫóḋ sé iad le snua gaċ gráinne: agus ṡásóinn ṫú le mil as an gcarraig ċloiċe.