Psailm 8 - An tSaltair nó Sailm Ḋáiḃí 1965 (Ó Cuinn)

Salm 8. Domine, Dominus noster.

¹ A Ṫiarna ár Rialtóir: is oirirc dʼAinm ar fuaid na cruinne!

² Is tú a dʼardaiġ do ġlóir os cionn neiṁe: as béal na naíonán agus na leanḃ cíċe dʼordaiġ tú neart,

³ De ḃarr do naiṁde: go gcuirfeá tost ar an té a mbíonn an naiṁdeas agus rún an díoltais ina ċroí.

⁴ Nuair a ḃreaṫnaím do spéarṫa, a ṡaoṫraiġ do ṁéara: an ġealaċ agus na réalta a ċruṫaiġ tú;

⁵ Cad is duine ann, gur cuiṁneaċ leat é: agus mac an duine, go dtiocfá ċuige?

⁶ Dʼḟág tú níos ísle ná na haingil é: go gcuirfeá barr glóire agus gradam air.

⁷ Ċuir tú i gceannas oibreaċa do láṁ é: agus níl ní nár ċuir tú faoina ċosa;

⁸ Na caoiriġ uile agus an t‑eallaċ: agus beiṫíġ an ṁaċaire;

⁹ Éanlaiṫ an aeir, agus éisc na farraige: agus a siúlann cosáin na mara.

¹⁰ A Ṫiarna ár Rialtóir: is oirirc dʼAinm ar fuaid na cruinne!