Psailm 76 - An tSaltair nó Sailm Ḋáiḃí 1965 (Ó Cuinn)

Salm 76. Notus Iudaea.

¹ Is aiṫnid Dia in Iúda: is mór a Ainm in Iosrael.

² Is i Salem atá a ṗailliún: agus is i Síón atá a ċónaí.

³ Ba ansin a ḃris sé saiġeada an ḃoġa: an sciaṫ agus an claíoṁ agus an caṫ.

⁴ Is glórṁar cuṁaċtaċ ṫú: nuair a ṫagann tú ó ṡléiḃte na gcreaċadóirí.

⁵ Rinneaḋ creaċ ar luċt an uaḃair, agus ṫit a gcodlaḋ orṫu: agus na fir uile is láidir láṁ, ní ḟuaireadar aon ní.

⁶ Led aċasán, a Ḋia Iácóib: ṫit an carbad agus an t‑eaċ ar aon.

⁷ Is tú féin is ineaglaiṫe: agus cé a ṡeasfaḋ id aṁarc nuair a ḃíos fearg ort?

⁸ Dʼḟoilsiġ tú do ḃreiṫiúnas ó neaṁ: ċriṫ an talaṁ agus dʼḟan sé socair,

⁹ Nuair a dʼéiriġ Dia do ṫaḃairt breiṫiúnais: agus do ċuidiú le daoine ceansa ui le an talaiṁ.

¹⁰ Déanfaiḋ dásaċt an duine tú a ṁolaḋ: agus cuirfiḋ tú srian lena ndásaċt.

¹¹ Geallaigí do ḃur dTiarna Dia, agus coṁlíonaigí ḃur ngealltanas, a ḋream a ḃíos ina ṫimpeall: tugaigí taḃartais ċuig an té is ineaglaiṫe.

¹² Cuirfiḋ sé srian le sprid na ḃflaṫ: agus is iontaċ é i measc ríṫe an talaiṁ.