Psailm 70 - An tSaltair nó Sailm Ḋáiḃí 1965 (Ó Cuinn)

Salm 70. Deus in adjutorium.

¹ Deifriġ, a Ḋia, dom ḟuascailt: déan deifir agus cuidiġ liom, a Ṫiarna.

² Bíoḋ náire agus díomua ar an dream atá ag iarraiḋ mʼanma: cuirtear ar gcúi agus cuirtear ceann faoi ar an dream a mbíonn olc acu dom.

³ Go mba é a náiriú in am ġairid a luaíoċt: don dream a ḃíos ag glaoċ, Seo, seo, liom.

⁴ Aċ bí tusa mar áḃar áṫais agus mar ċúis lúċáire ag an dream a ḃíos dod iarraiḋ: agus bíoḋ an luċt gurab aoiḃinn leo do ṡlánú á rá i gcónaí, Molaḋ leis an Tiarna.

⁵ Aċ táimse i mboċtanas agus i mbrón: déan deifir agus tar ċugam, a Ḋia.

⁶ Is tú mo ċúntóir agus mʼḟuascailteoir: a Ṫiarna, nárḃ ḟada uaim do ṫeaċt.