Psailm 63 - An tSaltair nó Sailm Ḋáiḃí 1965 (Ó Cuinn)

Salm 63. Deus, Deus meus.

¹ A Ḋia, is tú mo Ḋia: is luaṫ a raċaiḋ mé dod iarraiḋ.

² Tá dʼíota ar mʼanam, agus tá mʼḟeoil faoi ċuṁa i do ḋiaiḋ: i dtír ṫirim ṫur gan toraḋ gan tobar.

³ Is aṁlaiḋ a ḃíoḋ mo ṡúil leat sa sanctóir: mar i ndúil is go ḃfeicfinn do ċuṁaċta is do ġlóir.

⁴ Óir is fearr do ċarṫanaċt ġráṁar ná an ḃeaṫa féin: beiḋ mo ḃeola ag seinm do ṁolta.

⁵ Le mo ṡaol beiḋ mé do do ṁóraḋ ar an moḋ sin: agus ardóiḋ mé mo láṁa i dʼAinm.

⁶ Sásófar mʼanam, mar a ḃeaḋ le smior agus le saill: nuair a ṡeinnfeas mo ṫeanga do ṁolaḋ go binnḃéalaċ.

⁷ Nár ċuiṁniġ mé ort i mo leaba luí: agus naċ ort a smaoiniġ mé agus mé i mo ḋúiseaċt?

⁸ De ḃrí go mba tú mo ċúntóir: dá ḃrí sin beiḋ áṫas orm faoi scáṫ do sciaṫán.

⁹ Tá mʼanam i do ṁuinín: ċosnaíoḋ do láṁ ḋeas mé.

¹⁰ Aċ an dream a ḃios le haiṁleas mʼanama: raċaiḋ siad faoin gcré.

¹¹ Titfiḋ siad le béal an ċlaíṁ: déanfar bia sionnaċ dioḃ.

¹² Aċ beiḋ Dia mar ċúis lúċáire ag an rí; molfar an dream a ṫugann mar ṁionn é: óir dúnfar béal luċt inste na mbréag.