Psailm 54 - An tSaltair nó Sailm Ḋáiḃí 1965 (Ó Cuinn)

Salm 54. Deus, in nomine.

¹ Saor mé, a Ḋia, as uċt dʼAinm: baineaḋ do ċuṁaċt díoltas amaċ ar mo ṡon.

² Éist le mo ġuí, a Ḋia: agus taḃair cluas do ḃriaṫra mo ḃéil.

³ Óir tá coiṁṫíġ i ndiaiḋ éirí im éadan: agus tá tíoránaiġ, naċ mbíonn Dia os coinne a súl, ag iarraiḋ mʼanma.

⁴ Féaċ, is é Dia mo ċúntóir: tá an Tiarna i ḃfoċair luċt cosanta mʼanama.

⁵ Taḃarfaiḋ sé olc do mo naiṁde: scrios iad de réir dʼḟírinne.

⁶ Taḃarfaiḋ mé duit ofráil ó ċroí ṡaor, agus molfaiḋ mé dʼAinm, a Ṫiarna: óir is mór an sólás é.

⁷ Óir dʼḟuascail sé mé as mo ḃuaireaṁ uile: agus ċonaic mo ṡúil a mian ar mo naiṁde.