Psailm 48 - An tSaltair nó Sailm Ḋáiḃí 1965 (Ó Cuinn)

Salm 48. Magnus Dominus.

¹ Móraítear an Tiarna agus moltar go hard é: i gcaṫair ár nDé, agus ar a ċnoc naofa féin.

² Áit álainn cnoc Ṡíóin, aoiḃneas an talaiṁ uile: ar an taoḃ ó ṫuaiḋ atá suí caṫraċ an Ardrí; tá a ḋea‑ḟios acu ina cúirteanna go ḃfuil Dia ina ḋídean ḋaingin.

³ Óir bʼṡiúd ríṫe an talaiṁ: ag slógaḋ, agus ag siúl ṫarainn le ċéile.

⁴ Ċuir a ḃfacadar iontas orṫu: ṫáinig toċt orṫu, agus cuireaḋ ar lár go tobann iad.

⁵ Ṫáinig eagla orṫu, agus ṫáinig brón: mar ṫagann ar ḃean in aistear ċlainne.

⁶ Bíonn loingis na farraige agat á mbriseaḋ leis an ngaoṫ a noir.

⁷ Mar ċualamar, is aṁlaiḋ a ċonaiceamar i gcaṫair Tiarna na slua, i gcaṫair ár nDé: a mbíonn Dia á cosaint go deo.

⁸ Táimid ag fanaċt le carṫanaċt ġráṁar uait, a Ṫiarna: i gceartlár do ṫeampaill.

⁹ A Ḋia, mar is dual do dʼAinm, bítear do do ṁolaḋ go deireaḋ an doṁain: is lán do láṁ ḋeas den ḟíréantaċt.

¹⁰ Bíoḋ lúċáir ar Ċnoc Ṡíóin, agus áṫas ar in íonaċa Iúda: de ḃarr do ḃreiṫiúnais.

¹¹ Siúlaigí faoi Ṡíón, agus timpeallaígí í: agus coṁairigí a túir.

¹² Taḃair beann ar a baḃúin cosanta, agus taḃair aire ar a tiṫe: go n‑insí siḃ don ġlúin a ṫiocfas.

¹³ Óir is é ár nDia le saol na saol an Dia sin: is é an treoraí a ḃeas againn go bás.