Psailm 32 - An tSaltair nó Sailm Ḋáiḃí 1965 (Ó Cuinn)

Salm 32. Beati, quorum.

¹ Is beannaiṫe dá maitear a éagóir: a gcuṁdaítear a ṗeaca.

² Is beannaiṫe an té naċ mbíonn peaca á ċur ina leiṫ ag an Tiarna: agus naċ mbíonn cealg ina sprid.

³ Ċoṁ fada agus dʼḟan mé i mo ṫost: críonaḋ mo ċnáṁa le mo ġearán gaċ lá.

⁴ Óir leagann tú do láṁ go trom orm lá agus oíċe: bíonn mo ṡú mar ṫriomlaċ an tsaṁraiḋ.

⁵ Noċtfaiḋ mé mo ṗeaca duit: agus níor ċeil mé mʼéagóir.

⁶ Dúirt mé, Adṁóiḋ mé mo ṗeaca don Tiarna: agus dá ḃrí sin ṁaiṫ tú dom coir mo ṗeaca.

⁷ Ar an áḃar sin beiḋ gaċ duine cráifeaċ do do ġuí in uair na faille: is cinnte naċ dtiocfaiḋ na tonnta báite dá ċoṁair.

⁸ Is tú mʼáit folaiṫe, beiḋ tú do mo ċuṁdaċ ó ḃuaireaṁ: beiḋ tú do mo ṫimpeallú le haṁráin fuascailte.

⁹ Beiḋ mé mar oide múinte agat, agus mar eolaí sa ḃealaċ atá le siúl agat: agus beiḋ mo ṡúil do do ṫreorú.

¹⁰ Ná bígí mar an eaċ nó mar an ṁiúil, atá gan tuiscint: ionas go gcaiṫfear a mbéal a ċoinneáil leis an mbéalḃaċ nó leis an srian, agus naċ n‑uṁlóiḋ duit gan iad.

¹¹ Tá plánna móra i ndán do luċt an oilc: aċ an té a ċuireas a ḋóċas sa Tiarna, bíonn an trócaire ar gaċ taoḃ de.

¹² Bíoḋ áṫas oraiḃ, a ḟíréin, agus go mba é an Tiarna ḃur ngairdeas: agus bíoḋ lúċáir oraiḃ a luċt an ċroí ḟír.