Psailm 29 - An tSaltair nó Sailm Ḋáiḃí 1965 (Ó Cuinn)

Salm 29. Afferte Domino.

¹ Luaigí leis an Tiarna, a luċt na treise: luaigí leis an Tiarna an ċlú agus an ċuṁaċt.

² Luaigí leis an Tiarna an onóir is dual dá Ainm: déanaigí an Tiarna a aḋraḋ le haḋraḋ naofa.

³ Tá glór an Tiarna os cionn an uisce: is é Dia na glóire é, ag déanaṁ toirní.

⁴ Is é an Tiarna a rialaíos an ḟarraige; is é glór an Tiarna is mó éifeaċt: is é glór an Tiarna an glór cumasaċ.

⁵ Bíonn na crainn céadrais á mbriseaḋ ag glór an Tiarna: briseann an Tiarna céadrais Sléiḃe Liaḃáin.

⁶ Baineann sé léim astu mar léimfeaḋ lao: léimeann Sliaḃ Liaḃáin agus Sliaḃ Sirión mar aon aḋarcaċ óg.

⁷ Téann glór an Tiarna idir na caorṫa tine; cuireann glór an Tiarna an fásaċ ar luascaḋ: bíonn fásaċ Cades á luascaḋ ag an Tiarna.

⁸ Cuireann glór an Tiarna an lao as an eilit, agus an duilliúr den ċraoḃ: níl ní ina ṫimpeall naċ mbíonn ag molaḋ a ċlú.

⁹ Ṡuiġ an Tiarna mar Rí os cionn na Díleann: agus fanann an Tiarna ina Rí go deo.

¹⁰ Neartóiḋ an Tiarna lena ṁuintir: taḃarfaiḋ an Tiarna dá ṁuintir beannaċt na síoċána.