Psailm 28 - An tSaltair nó Sailm Ḋáiḃí 1965 (Ó Cuinn)

Salm 28. Ad te, Domine.

¹ Is ort a ġlaofas mé, a Ṫiarna mo ċuṁaċt: nára beag leat mo ċás; óir, má ṫugann tú an ċluas ḃoḋar dom, beiḋ mé mar ḋuine den dream a ṫéann síos sa ṗoll.

² Éist le mo ġlór, nuair a ġlaoim ag cur aċainíoċa ort: agus aġaiḋ mo ḃos in airde i dtreo caṫaoir ṫrócaire do ṫeampaill naofa.

³ Ná sciob ar siúl agus ná scrios mé le luċt na míċráifeaċta agus na ndroċġníoṁarṫa: a laḃraíos go cairdiúil lena gcoṁarsana, agus a ċumas olc ina gcroí.

⁴ Taḃair luaíoċt dóiḃ a ḃeas de réir a ngníoṁarṫa: agus de réir a ndroċḃeart.

⁵ Cúitiġ dóiḃ de réir saoṫar a láṁ: íoc leo an ṁéid a ṫuilleadar.

⁶ Óir ní ḃíonn aird a n‑intinne ar oibreaċa an Tiarna, ná ar ṡaoṫar a láṁ: agus dá ḃrí sin ní tógfaiḋ sé suas iad, aċ á mbriseaḋ síos.

⁷ Molaḋ don Tiarna: a dʼéist le fuaim mʼaċainíoċa uṁla.

⁸ Is é an Tiarna mo neart agus mo sciaṫ; ċuir mo ċroí a ḋóċas ann, agus fóireaḋ orm: dá ḃrí sin léimeann mo ċroí le háṫas, agus molfaiḋ mé im aṁrán é.

⁹ Is é an Tiarna mo neart: is é dídean slánaiṫe a ungṫaiġ é.

¹⁰ Saor do ṁuintir, agus taḃair do ḃeannaċt dod oiḋreaċt: bí á mbeaṫú agus á n‑ardú go deo.