Psailm 24 - An tSaltair nó Sailm Ḋáiḃí 1965 (Ó Cuinn)

Salm 24. Domini est terra.

¹ Is leis an Tiarna an talaṁ, agus a ḃfuil ann: an ċruinne agus a maireann uirṫi.

² Óir ḃunaiġ sé é ar na farraigí: agus ṡocraiġ sé é ar na sruṫanna.

³ Cé a ardós cnoc an Tiarna: nó cé a ṡeasfas ina áit naofa?

⁴ An fear sin a mbíonn láṁa glana aige, agus croí gan smál: nár ċuir suim a intinne i ndíoṁaointeas, agus naċ dtug mionn meallta na coṁarsan.

⁵ Is é a ġeoḃas an ḃeannaċt ón Tiarna: agus an ḟíréantaċt ó Ḋia a ṡlánaiṫe.

⁶ A ṁacasaṁail sin a ḃíos ar luċt a iarrṫa: ḃíos ar luċt iarrṫa do ġnúise, a Ḋia Iácóib.

⁷ Tógaḋ na geataí a gcinn, agus ardaítear na coṁlaí cianaosta: go dtaga Rí na glóire isteaċ.

⁸ Cé hé Rí na glóire: is é an Tiarna láidir tréan é, an Tiarna is cuṁaċt aċ i gcogaḋ.

⁹ Tógaḋ na geataí a gcinn, agus ardaítear na coṁlaí cianaosta: go dtaga Rí na glóire isteaċ.

¹⁰ Cé hé Rí na glóire: is é Tiarna na slua é, is é féin Rí na glóire.