Psailm 20 - An tSaltair nó Sailm Ḋáiḃí 1965 (Ó Cuinn)

Salm 20. Exaudiat te Dominus.

¹ Go dtuga an Tiarna cluas duit i lá an ḃuarṫa: go raiḃ Ainm Dé Iácóib do do ċosaint;

² Go gcuire sé caḃair ċugat as an Sanctóir: agus go neartaí sé leat as Síón;

³ Go mba ċuiṁneaċ leis do ṫoirḃirtí uile: agus go nglaca sé le dʼíobairt loiscṫe.

⁴ Go dtuga sé mian do ċroí duit: agus go gcoṁlíona sé a ḃfuil i dʼintinn.

⁵ Cuirfiḋ do ṡlánú lúċáir orainn, agus beimid ag maíoṁ as Ainm ár dTiarna Dia: go gcoṁlíona an Tiarna gaċ aċainí dar ċuir tú air.

⁶ Tá a ḟios agam anois, go gcuidíonn an Tiarna lena ungṫaċ, agus go n‑éistfiḋ sé leis óna neaṁa naofa: le slán‑neart a láiṁe deise.

⁷ Cuireann drong a ndóċas i gcarbaid, agus drong eile a ndóċas in eaċraí: cuiṁneoimidne ar Ainm ár dTiarna Dia.

⁸ Tugtar anuas iad agus titeann siad: aċ ardaítear sinne, agus fanaimid inár seasaṁ.

⁹ Saor, a Ṫiarna, agus éist linn a Rí neiṁe: nuair a ġlaoimid ort.