Psailm 15 - An tSaltair nó Sailm Ḋáiḃí 1965 (Ó Cuinn)

Salm 15. Domine, quis habitabit?

¹ A Ṫiarna, cé a ċónós i do ṗailliún: nó cé a áiteos do ċnoc naofa?

² An té sin, a ċaiṫeas beaṫa gan smál: agus a ḃíos ceart ina ġníoṁarṫa, agus a laḃraíos an ḟírinne óna ċroí.

³ An té naċ mbíoḋ cealg ina ṫeanga, agus naċ ndearna doċar dá ċoṁarsa: agus naċ ndearna iṫiomrá ar a ċoṁarsa.

⁴ An té naċ mbíonn mórċúiseaċ, aċ a ḃíos íseal ina ṡúile féin: agus a mbíonn mórṁeas aige ar luċt eaglaiṫe an Tiarna.

⁵ An té a ṁionnaíos dá ċoṁarsa, agus naċ gcliseann air: cé go mbeaḋ sé féin ṫíos leis.

⁶ An té naċ dtugaḋ a airgead ar úsaireaċt: agus naċ nglacfaḋ le breab in aġaiḋ an neaṁċiontaiġ.

⁷ An té ḋéanas aṁlaiḋ: ní ċuirfear dá ċosa é ċoíċe.