Psailm 149 - An tSaltair nó Sailm Ḋáiḃí 1965 (Ó Cuinn)

Salm 149. Cantate Domino.

¹ Canaigí don Tiarna aṁrán úrnua: molaḋ coṁṫionól na naoṁ é.

² Bíoḋ a ċruṫaiṫeoir mar ċúis lúċáire ag Iosrael: agus a Rí mar áḃar áṫais ag clann Ṡíóin.

³ Molaidís a Ainm sa daṁsa: seinnidís a ṁolaḋ leis an gcruit agus leis an gcláirseaċ.

⁴ Óir bíonn dúil ag an Tiarna ina ṗobal: agus cuidíonn sé le luċt an ċroí ċeansa.

⁵ Bíoḋ gairdeas agus glóir ar na naoiṁ: bíoḋ lúċáir orṫu ina leapaċa.

⁶ Bíoḋ molaḋ Dé ina mbéal: agus claíoṁ an dá ḟaoḃar ina láṁa.

⁷ Le díoltas a imirt ar na págánaiġ: agus le aċasán a ṫaḃairt do na ciníoċa;

⁸ Lena ríṫe a ċeangal le slaḃraí: agus a uaisle le cuiḃreaċa iarainn;

⁹ Le breiṫiúnas a ċur i ḃfeiḋm orṫu, mar tá scríofa: Is é a ḃíos de onóir ag a naoiṁ go léir.