Psailm 148 - An tSaltair nó Sailm Ḋáiḃí 1965 (Ó Cuinn)

Salm 148. Laudate Dominum.

¹ Molaigí an Tiarna ó neaṁ: molaigí é in ard na spéire.

² Molaigí é, a aingeala an Tiarna: molaḋ a ṡlua go huile é.

³ Molaigí é, a ġrian agus a ġealaċ: molaigí é, a réalta uile ʼs a ṡolais.

⁴ Molaigí é, a neaṁa uile: agus a uiscí a ḃíos os cionn na neaṁa;

⁵ Molaidís Ainm an Tiarna: óir ní ḋearna sé aċ an focal a rá, go ndearnaḋ iad; dʼordaiġ sé, agus cruṫaíoḋ iad.

⁶ Ḋaingniġ sé trí ṡaol na saol iad: ṫug sé dlí dóiḃ naċ sárófar.

⁷ Molaigí an Tiarna ón talaṁ: a ḋragúna, agus a ḋoiṁneaċta uile;

⁸ A ṫine agus a ċloċa sneaċta, a ṡneaċta agus a ċeo: a ġaoṫ agus a ḋoineann, a ċoṁlíonas a ḃriaṫar;

⁹ A ṡléiḃte agus a ċnoic uile: a ċranna toraiḋ agus a ċéadrais;

¹⁰ A ḃeiṫíġ agus a eallaiġ uile: a ċnuṁóga, agus a éin faoi ċleite.

¹¹ A ríṫe an doṁain, agus a ḋaoine uile: a ḟlaṫa agus a ḃreiṫiúna na cruinne;

¹² A ḟeara óga agus a ṁaiġdeana óga, a ḟeara liaṫa agus a leanaí, molaigí Ainm an Tiarna: óir ní feaḃas go dtí a Ainm, agus is airde a ṁolaḋ ná neaṁ agus talaṁ.

¹³ Ardóiḋ sé beann a ṗobail; beiḋ a naoiṁ go léir á ṁolaḋ: beiḋ sé á ṁolaḋ ag clann Iosrael, ag an bpobal a ḃíos ag déanaṁ a ṡeirḃíse.