Psailm 136 - An tSaltair nó Sailm Ḋáiḃí 1965 (Ó Cuinn)

Salm 136. Confitemini.

¹ Tugaigí buíoċas leis an Tiarna, óir is maiṫ é: agus maireann a ṫrócaire go síoraí.

² Tugaigí buíoċas le Dia na ndéiṫe: óir maireann a ṫrócaire go síoraí.

³ Altaígí do Ṫiarna na dtiarnaí: óir maireann a ṫrócaire go síoraí.

⁴ Naċ mbíonn aċ é ag déanaṁ na móriontas: óir maireann a ṫrócaire go síoraí.

⁵ A rinne na neaṁa le feaḃas a eagna: óir maireann a ṫrócaire go síoraí.

⁶ A leaṫnaiġ an talaṁ os cionn na n‑uiscí: óir maireann a ṫrócaire go síoraí.

⁷ A rinne na soilse móra: óir maireann a ṫrócaire go síoraí.

⁸ An ġrian le ḃeiṫ ina rí ar an lá: óir maireann a ṫrócaire go síoraí.

⁹ An ġealaċ agus na réalta le ḃeiṫ i gceannas na hoíċe: óir maireann a ṫrócaire go síoraí.

¹⁰ A ḃuail an Éigipt faoina gcéadġin: óir maireann a ṫrócaire go síoraí.

¹¹ Agus a ṫug clann Iosrael ó ḃeiṫ ina measc: óir maireann a ṫrócaire go síoraí.

¹² Le láiṁ ċuṁaċtaċ, agus le géag ṡínte: óir maireann a ṫrócaire go síoraí.

¹³ A rinne ḋá leaṫ den Ṁuir Rua: óir maireann a ṫrócaire go síoraí.

¹⁴ Agus a ṫug ar Iosrael siúl trína lár: óir maireann a ṫrócaire go síoraí.

¹⁵ Aċ dála Ṗáraó agus a ṡluaite, ṫug sé anuas iad sa Ṁuir Rua: óir maireann a ṫrócaire go síoraí.

¹⁶ A ṡeol a ṗobal tríd an ḃfásaċ: óir maireann a ṫrócaire go síoraí.

¹⁷ A ḃuail na ríṫe móra: óir maireann a ṫrócaire go síoraí;

¹⁸ Agus a ṁaraiġ go deiṁin na ríṫe cuṁaċtaċa: óir maireann a ṫrócaire go síoraí;

¹⁹ Síhon rí na nAmoríteaċ: óir maireann a ṫrócaire go síoraí;

²⁰ Agus Og rí Ḃásáin: óir maireann a ṫrócaire go síoraí;

²¹ Agus a ṫug a dtalaṁ mar oiḋreaċt: óir maireann a ṫrócaire go síoraí;

²² Mar oiḋreaċt dʼIosrael, a ṡeirḃíseaċ: óir maireann a ṫrócaire go síoraí.

²³ A ċuiṁniġ orainn inár mbuaireaṁ: óir maireann a ṫrócaire go síoraí;

²⁴ Agus a dʼḟuascail sinn ónár naiṁde: óir maireann a ṫrócaire go síoraí.

²⁵ A ṫugann bia do gaċ feoil: óir maireann a ṫrócaire go síoraí.

²⁶ Tugaigí buíoċas le Dia neiṁe: óir maireann a ṫrócaire go síoraí.

²⁷ Tugaigí buíoċas le Tiarna na dtiarnaí: óir maireann a ṫrócaire go síoraí.