Psailm 128 - An tSaltair nó Sailm Ḋáiḃí 1965 (Ó Cuinn)

Salm 128. Beati omnes.

¹ Is beannaiṫe a mbíonn eagla an Tiarna orṫu: agus a ṡiúlas ina ṡlite.

² Íosaiḋ tú toraḋ saoṫair do láṁ: is maiṫ mar atá tú, agus is agat a ḃeiḋ an saol aoiḃinn.

³ Beiḋ do ċéile mná mar an ċraoḃ ṫorṫaċ fíniúna: atá ar ḃallaí do ṫí.

⁴ Beiḋ do ċlann mar ġasa ċrainn ola: i dtimpeall do ḃoird.

⁵ Sin daoiḃ an ḃeannaċt a ḃíos ar an duine: a mbíonn eagla an Tiarna air.

⁶ Beiḋ an Tiarna do do ḃeannú amaċ as Síón: ar nós go ḃfeicfiḋ tú an séan ar Iarúsalem i riṫ do ṡaoil;

⁷ Agus go ḃfeicfiḋ tú clann do ċlainne gan aṁras: agus an tsíoċáin ar Iosrael.