Psailm 114 - An tSaltair nó Sailm Ḋáiḃí 1965 (Ó Cuinn)

Salm 114. In exitu Israel.

¹ Nuair a ṫáinig Iosrael amaċ as an Éigipt: agus nuair a ṫáinig teaġlaċ Iácóib ó ḃeiṫ i measc daoine coiṁṫíoċa,

² Ba é lúda a ṡanctóir: agus ba é Iosrael a ṫiarnas.

³ Ċonaic an ṁuir sin, agus ṫeiṫ sí: cuireaḋ Sruṫ Iornáin ar gcúl.

⁴ Ċuaiġ na sléiḃte ag léimneaċ mar reiṫí: agus na cnocáin mar uain ċaoraċ.

⁵ Cad é ḃí ort, a ṁuir, gur ṫeiṫ tú: nó cad é ḃí ort, a Iornáin, go ndeaċaiġ tú ar gcúl?

⁶ Cad é a ḃí oraiḃ, a ṡléiḃte, gur léim siḃ mar reiṫí: nó oraiḃ, a ċnocáin, go raiḃ siḃ ag léimneaċ mar uain ċaoraċ?

⁷ Bíoḋ criṫ ort, a ṫalaiṁ, roiṁ láiṫreaċt an Tiarna: roiṁ láiṫreaċt Dé Iácóib;

⁸ A rinne loċán buan den ċreagán ċrua: agus tobar fíoruisce den ċloċ ṫine.