Psailm 11 - An tSaltair nó Sailm Ḋáiḃí 1965 (Ó Cuinn)

Salm 11. In Domino confido.

¹ Is sa tiarna a ċuirim mo ḋóċas: conas adeir siḃ lem anam teiṫeaḋ ċun an ċnoic mar éan?

² Óir siúd luċt an oilc ag lúbaḋ a mboġa, agus ag ullṁú bolgán na saiġead: go scaoile siad os íseal le luċt an ċroí ḟír.

³ Óir leagfar na buna atá fúinn: agus cad é is féidir leis an ḃfíréan a ḋéanaṁ?

⁴ Tá an Tiarna ina ṫeampall naofa: tá caṫaoir an Tiarna ar neaṁ.

⁵ Breaṫnaíonn a ṡúile na boċta: scrúdaíonn a roisc Síol Áḋaiṁ.

⁶ Proṁann an Tiarna na fíréin: aċ is fuaṫ anama leis fear an oilc, agus an té a mbíonn dúil aige i ndroċġníoṁarṫa.

⁷ Fearfaiḋ sé dola ar luċt an oilc, tine agus ruiḃ, gaoṫ ṁór agus doineann: sin an deoċ a ḃeas acu le n‑ól.

⁸ Óir bíonn grá ag an Tiarna fíréan ar an ḃfíréantaċt: ní ḟeicfiḋ a ġnúis aċ an ní atá ceart.