Psailm 105 - An tSaltair nó Sailm Ḋáiḃí 1965 (Ó Cuinn)

Salm 105. Confitemini Domino.

¹ Tugaigí buíoċas leis an Tiarna, agus glaoigí ar a Ainm: insígí do na daoine a ndearna sé.

² Bíoḋ sé mar áḃar aṁrán, agus bíoḋ sé á ṁolaḋ agaiḃ: agus bígí ag caint ar a oibreaċa iontaċa.

³ Ba é a Ainm naofa cúis ḃur lúċáire: oḋ áṫas croí ar luċt iarrṫa an Tiarna.

⁴ Iarraigí an Tiarna agus a ċuṁaċt: iarraigí a ġnúis go deo.

⁵ Cuiṁnígí ar a ndearna sé dʼoibreaċa iontaċa: ar a ḟearta agus ar ḃreiṫeanna a ḃéil.

⁶ A Ṡíl Abraċaim, a ṡeirḃíseaċ: a ċlann Iácóib, a ḟear tofa.

⁷ Is é an Tiarna ár nDia é: bíonn a ḃreiṫiúnais ar fuaid an doṁain.

⁸ Ba ċuiṁneaċ leis riaṁ a ċonraḋ agus a ġealltanas: a rinne sé le míle glún;

⁹ An conraḋ a ċeangail sé le hAbraċam: agus an ṁóid a ṁionnaiġ sé dʼÍsaac;

¹⁰ A dʼainmniġ sé mar ḋlí do Iácób: agus mar ṫiomna síoraí dʼIosrael;

¹¹ Is é a dúirt sé, Is duit a ṫaḃarfaiḋ mé Tír Ċanáin: roinn ḃur n‑oiḋreaċta;

¹² Nuair naċ raḃadar aċ beagán ann: agus iad ina gcoiṁṫíġ sa tír;

¹³ Nuair a dʼimídís ó náisiún go ċéile: ó ríoċt aṁáin go bunaḋ eile;

¹⁴ Níor lig sé dʼaon duine doċar a ḋéanaṁ dóiḃ: aċ ag bagairt ar ríṫe féin ar a son;

¹⁵ Ná bainigí dom ungṫaiġ: agus ná déanaigí doċar dom ḟáiṫe.

¹⁶ Ġlaoiġ sé ansin ar an ngorta isteaċ ċun na tíre: agus lón an aráin a ċuir sé i gceal.

¹⁷ Aċ ḃí an duine curṫa aige rompu: mar tá Iósaf, a ḋíolaḋ mar ḋaor;

¹⁸ Ar gortaíoḋ a ċosa sa ċeap: fuair an t‑iarann greim ar a anam;

¹⁹ Go dtáinig an t‑am a fuarṫas fios fáṫa a ċúise: ar féaċaḋ é le briaṫar an Tiarna.

²⁰ Cuireaḋ fios ón rí á ḟuascailt: scaoil prionsa an ṗobail a ċeann leis.

²¹ Rinne sé tiarna de os cionn a ṫeaġlaiġ: agus maor de os cionn a ṁaoine;

²² Ionas go múinfeaḋ sé a ṫoil dá ṁaiṫe: agus go múinfeaḋ sé eagna dá ṡeanadóirí.

²³ Ṫáinig Iosrael isteaċ san Éigipt: agus ḃí Iácób ina ċoiṁṫíoc i dtír Ċaim.

²⁴ Agus ṁéadaiġ sé go mór a ṗobal: agus rinne sé níos láidre ná a naiṁde iad;

²⁵ Ar aṫraiġ a gcroí, go dtugadar fuaṫ dá ṗobal: agus go ndearnadar feall ar a ṡeirḃísiġ.

²⁶ Ba ansin a ċuir sé uaiḋ Maois a ṡeirḃíseaċ: agus Árón an fear a ṫoġ sé.

²⁷ Ṫaispeánadar san a ċoṁarṫaí ina measc: agus iontais i dtír Ċaim.

²⁸ Ċuir sé dorċadas ċucu, agus ḃí sé dorċa: aċ ní móide a dʼuṁlaíodar dá ḃriaṫar.

²⁹ Ṫiontaiġ sé a n‑uiscí ina ḃfuil: agus ṁaraiġ sé a n‑iasc.

³⁰ Ṫug a dtalaṁ uaiḋ loscainn: go fiú i seomraí a ríṫe.

³¹ Laḃair sé an focal, agus ṫáinig cuileoga de gaċ cineál: agus míola ina gcónaiṫe uile.

³² Ṫug sé cloċa sneaċta in ionad báistí dóiḃ: agus lasraċa tine ar fuaid a dtíre.

³³ Ḃuail sé a gcraoḃaċa fíniúna agus a gcrainn ḟige: agus scrios sé a raiḃ de ċrainn idir a limistéirí.

³⁴ Laḃair sé an focal, agus ṫáinig na dreoláin teaspaiġ, agus péisteanna capaill gan áireaṁ: gur iṫeadar a raiḃ dʼḟéar sa tír, agus gur ṡlogadar torṫaí a dtalaiṁ.

³⁵ Ḃuail sé gaċ céadġin clainne ina dtír: an ṁéid ab ḟearr agus ba láidre orṫu.

³⁶ Ṫug sé amaċ faoi airgead agus faoi ór iad: duine lag ní raiḃ ina dtreiḃeanna.

³⁷ Ḃí lúċáir ar an Éigipt ag imeaċt dóiḃ: óir is orṫu ḃí an eagla rompu.

³⁸ Spréiġ sé an néal os a gcionn mar ċuṁdaċ: agus an tine a ṫaḃarfaḋ solas san oíċe.

³⁹ Ċuir sé na gearra goirt ċucu ar a n‑aċainí: agus líon sé dʼarán neiṁe iad.

⁴⁰ Scoilt sé an ċarraig ċloiċe gur sciord na huiscí aisti amaċ: gur riṫ na haiḃneaċa sna háiteanna tirime.

⁴¹ Agus cad ċuige? De ḃrí gur ċuiṁniġ sé ar a ġealltanas naofa: agus ar Abraċam a ṡeirḃíseaċ.

⁴² Agus ṫug sé amaċ a ṗobal le lúċáir: agus a ṁuintir tofa le gairdeas;

⁴³ Agus ṫug sé dóiḃ tailte na bpágánaċ: agus ṡealḃaíodar saoṫraiṫe na ndaoine.

⁴⁴ Ionas go gcoinneoidís a reaċta: agus go dtugaidís aire dá ḋlíṫe.