Psailm 101 - An tSaltair nó Sailm Ḋáiḃí 1965 (Ó Cuinn)

Salm 101. Misericordiam et judicium.

¹ An trócaire agus an breiṫiúnas is áḃar do mʼaṁrán: is duitse, a Ḋia, a ċanfaiḋ mé é.

² Taḃair dom ḃeiṫ tuisceanaċ: faoi ṡlí na cráifeaċta.

³ Ca huair a ṫiocfaiḋ tú ċugam: siúlfaiḋ mé i mo ṫeaċ le croí gan ċlaon.

⁴ Ní ġlacfaiḋ mé droċḃeart idir láṁa; bíonn fuaṫ agam do ṗeacaí na míḋílseaċta: ní ḃfaiġiḋ a leiṫéid greim orm.

⁵ Imeoiḋ croí claon uaim: ní ċuirfiḋ mé aiṫne ar ḟear an oilc.

⁶ An té ḃíos ag iṫiomrá ar a ċoṁarsa os íseal: scriosfaiḋ mé an fear sin.

⁷ Fear na súl díomasaċ agus na hardintinne: ní ḟulaingeoiḋ mé é.

⁸ Bíonn mo ṡúile ar luċt dílseaċta na tíre: go mbí siad ar aontíos liom.

⁹ An té a ċaiṫeas a ḃeaṫa go cráifeaċ: is é a ḃeas mar ṡeirḃíseaċ agam.

¹⁰ Ní ċónóiḋ mealltóir i mo ṫeaċ: ná ní ḟanfaiḋ an bréagaire ar mʼaṁarc.

¹¹ Is gairid go scriosfaiḋ mé daoine míċráifeaċa na tíre: go gcuire mé ar ceal luċt cleaċtaiṫe na ndroċġníoṁarṫa ó ċaṫair an Tiarna.