Psailm 1 - An tSaltair nó Sailm Ḋáiḃí 1965 (Ó Cuinn)

Salm 1. Beatus vir, qui non abiit.

¹ Is beannaiṫe an fear nár ṡiúil ar ċoṁairle luċt an oilc, agus nár ṡeas i slí na bpeacaċ: nár ṡuiġ i gcaṫaoir na dtarcaisneoirí.

² Aċ is é dlí an Tiarna a aoiḃneas: agus beiḋ sé ag meaḃrú ar a ḋlí lá agus oíċe.

³ Agus beiḋ sé mar ċrann atá curṫa ar ḃruaċ an uisce: a ṫaḃarfaiḋ a ṫoraḋ go tráṫúil.

⁴ Ní ċríonfaiḋ a ḋuilleog: agus féaċ, níl ní dá ndéanfaiḋ sé naċ mbeiḋ raṫ air.

⁵ Aċ i dtaoḃ luċt an oilc, ní haṁlaiḋ dóiḃ: bíonn siadsan mar an gcáiṫ, a ḃíonn á scaipeaḋ ag an ngaoṫ de ḋroim an talaiṁ.

⁶ Dá ḃrí sin ní ḟéadfaiḋ luċt an oilc seasaṁ sa ḃreiṫiúnas: ná na peacaiġ i gcoṁṫionól na ḃfíréan.

⁷ Aċ is aiṫnid don Tiarna slí na ḃfíréan: agus raċaiḋ a slí amú ar luċt an oilc.