ꓟ˗ꓘꓳ ꓕꓰ˗ꓷ 7 - ꓟ˗ꓘꓳ ꓕꓰ˗ꓷ 1932ꓟꓱ ꓫꓴ ꓖꓱ ꓘꓴ˗ꓠꓓꓴ 1 ꓧ˗ꓡꓲ˗ꓢꓯ ꓫꓲꓹ ꓠꓱ ꓖꓱ ꓕꓰ˗ꓷ˗ꓢꓳ ꓫꓲ ꓓꓷ ꓠꓲ ꓗꓴ ꓕꓷꓹ ꓬꓰ˗ꓡꓴ˗ꓢ˗ꓡꓰ ꓠꓷ ꓬꓰ꓿ꓢꓴ ꓘꓷ ꓮ ꓡꓰ ꓞꓷ。 2 ꓕꓷ˗ꓠꓖꓷ ꓕꓷ ꓕ ꓖꓱ ꓕꓴ˗ꓔꓲ ꓗꓳ˗ꓠꓖꓷꓹ ꓡꓽ ꓟꓱ ꓛꓶ ꓐꓰꓹ ꓦ˗ꓠꓜꓷ ꓠꓷ ꓟꓰ ꓠ⅄ꓵ ꓬꓯ。 3 ꓧ ꓡꓲ꓿ꓢꓯ ꓠꓱ ꓖꓱ ꓬꓴ˗ꓕꓯ ꓖꓱ ꓫꓲ ꓕꓷ ꓓꓷ ꓦꓱ ꓐꓰ ꓮ ꓐꓰ ꓫꓶ ꓐꓰ ꓖꓱꓹ ꓡꓽ ꓟꓱ ꓛꓶ ꓢꓰꓹ ꓦ ꓟꓱ ꓠꓜꓷ ꓖꓱ ꓘꓴ˗ꓠꓓꓴ ꓔ ꓕꓰ ꓣꓴ ꓢꓲꓯ。 4 ꓙꓷ ꓡꓳ ꓠꓷ ꓡꓰ ꓞꓷ ꓟꓰꓹ ꓖꓴ˗ꓟꓴ ꓟꓱ ꓛꓶ˗ꓛꓶ ꓢꓰꓹ ꓦ ꓟꓱ ꓠꓜꓷꓹ ꓡꓰ ꓚꓵ ꓣꓰ ꓔ ꓖꓱ ꓘꓴ˗ꓠꓓꓴ ꓓꓷ ꓑꓰ ⅄ꓵꓹ ꓕꓷ˗ꓠꓖꓷ ꓠꓷ ꓓꓷ ꓛꓶ ꓠꓖꓴ ꓓꓷ ꓛꓶ ꓕꓰ ꓣꓴ ꓖꓱꓹ ꓚꓲꓶ ꓠꓱ ꓭ˗ꓣꓷꓹ ꓶ ꓖꓴ˗ꓜꓰ ꓛꓶ˗ꓛꓶ ꓖꓱ ꓕꓷ ꓪ。 5 ꓧ꓿ꓡꓲ꓿ꓢꓯ ꓫꓲ ꓠꓱ ꓖꓱ ꓕꓰ˗ꓷ˗ꓢꓳ ꓫꓲ ꓠꓷ ꓕꓷ ꓔꓳ ꓟꓲ˗ꓓꓳ ꓢꓰꓹ ꓫꓱ ꓟꓰꓹ ꓥꓴ ꓖꓱ ꓕꓴ˗ꓔꓲ ꓕꓷ ꓮ ꓞꓷ ꓐꓰ ꓞꓷ ꓖꓷ ꓠꓷꓹ ꓮ ꓐꓰ ꓫꓶ ꓐꓰ ꓖꓱ ꓘꓴ˗ꓠꓓꓴ ꓠꓖꓴ ꓟꓱ ꓚꓵ ꓐꓰꓹ ꓡꓽ ꓟꓱ ꓛꓶ ꓐꓰꓹ ꓦ ꓠꓜꓷ ꓡꓰ。 6 ꓬꓰ꓿ꓢꓴ ꓠꓷ ꓫꓱ ꓟꓰꓹ ꓬꓲ꓿ꓢꓯ꓿ꓬ ꓠꓷ˗ꓠꓖꓷ ꓖꓱ ꓫꓲ ꓗ ꓠꓙꓷ ꓠꓱ ꓖꓱ ꓕꓷ ꓡ ꓔꓳ ꓫꓱ ꓖꓱ ꓦꓰ ꓗꓷ˗ꓚꓷ ꓕꓷ ꓟꓱ ꓠꓓꓶ˗ꓠꓓꓶꓹ ꓚꓲꓱ ꓡꓳ ꓠꓷ ꓫꓱ ꓖꓱ ꓑꓯ˗ꓢꓪꓰ ꓛꓷ ꓠꓴ˗ꓔ ꓬꓲ ꓥꓱ ꓔꓳ ꓓꓷꓹ ꓠꓴ ꓟꓰ ꓬꓲ ꓥꓱ ꓔꓳ ꓘꓷ˗ꓘꓳ。 7 ꓕꓷ˗ꓠꓖꓷ ꓫꓲ ꓠꓷ ꓗꓳ˗ꓔꓳ ꓕꓷ ꓬꓵ ꓑꓴꓹ ꓔ˗ꓡꓲ ꓐꓰ ꓠꓷ ꓫꓲ ꓟꓰꓸ˗ꓟꓰꓹ ꓕꓷ ꓝꓷ ꓖꓷ ꓠꓷꓹ ꓥꓱ ꓗꓯ ꓡꓰ˗ꓑꓵ˗ꓔꓵ ꓡ ꓑꓱ˗ꓑꓱ ꓪ ꓫꓱ ꓠꓲꓸ˗ꓠꓲ ꓪ。 8 ꓠꓷ˗ꓠꓖꓷ ꓟꓷ ꓮ˗ꓐ ꓠꓷ ꓗꓳ˗ꓔꓳ ꓕꓷ ꓬꓲ ꓠꓷ ꓡꓰ ꓗꓴ ꓒꓲꓹ ꓫꓲ ꓖꓱ ꓘꓴ˗ꓠꓓꓴ ꓬꓲ ꓗꓳ˗ꓗꓳ ꓕꓰ ꓡꓰ ꓣꓴ。 9 ꓡꓰ ꓚꓵ ꓫꓱ ꓟꓰꓹ ꓠꓷ˗ꓠꓖꓷ ꓮ ꓢꓷ ꓖꓷ ꓐꓰꓹ ꓟꓷ ꓮ˗ꓐ ꓖꓱ ꓗꓳ˗ꓔꓳ ꓬꓲ ꓗꓴ ꓒꓲꓹ ꓴ˗ꓔꓴ˗ꓴ ꓖꓱ ꓘꓴ˗ꓠꓓꓴ ꓕꓰ ꓣꓴ ꓐꓷ ꓕꓷ。 10 ꓟꓳ꓿ꓢꓲ ꓠꓷ ꓫꓱ ꓟꓰꓹ ꓮ˗ꓐ˗ꓟꓰ ꓠꓖꓴ ꓛꓵ ꓠꓯꓹ ꓡꓰ ꓚꓵ ꓮ˗ꓐ˗ꓟꓰ ꓔꓳ ꓠ⅄ꓲ ꓠꓓꓴ ꓘ˗ꓘ ꓟꓰ ꓢꓰꓹ ꓕꓷ ꓚꓭ ꓫꓷ ꓠꓯ ꓫꓱ ꓬꓯ。 11 ꓠꓷ˗ꓠꓖꓷ ꓠꓷ ꓡꓰ ꓔꓳ ꓑꓰ ꓫꓱ ꓟꓰꓹ ꓮ˗ꓐ˗ꓟꓰ ꓔꓳ ꓕꓰ ꓡꓭ ꓫꓱ ꓢꓰꓹ ꓥꓱ ꓠꓷ ꓴ˗ꓣꓷ ꓠꓓꓶ ꓕꓷꓹ ꓗꓳ˗ꓶ˗ꓑ ꓐꓰ ⅄ꓲ ꓢꓰ。 12 ꓕꓷ ꓠꓖꓴ ꓢꓰ ꓠꓷ˗ꓠꓖꓷ ꓡꓰ ꓚꓵ ꓓꓷ ꓣꓷ ꓮ˗ꓐ˗ꓟꓰ ꓴ˗ꓣꓷ ꓟꓱ ꓚꓶ ꓢꓲꓯ。 13 ꓛꓷ ꓠꓴꓸ ꓠꓷ˗ꓠꓖꓷ ꓠꓷ ꓚꓴꓸ˗ꓚꓴ ꓞꓷ ꓖꓱ ꓘꓴ˗ꓠꓓꓴ ꓪꓹ ꓦꓰ ꓫꓶ ꓬꓲ ꓗꓴ ꓒꓸ ꓠꓷ˗ꓠꓚꓷ ꓡꓰ ꓚꓵ ꓣꓰ ꓔ ꓛꓷ ꓢꓵ ꓖꓱ ꓫꓶ ꓐꓰ。 14 ꓬꓰ꓿ꓢꓴ ꓠꓷ ꓡꓰ ꓚꓵ ꓫꓲ ꓓꓷ ꓑꓰ ꓡꓶ ꓑꓴ ꓞꓷ ꓢꓰꓹ ꓕꓷ˗ꓠꓖꓷ ꓔꓳ ꓫꓱ ꓟꓰꓹ ꓠꓷ˗ꓠꓖꓷ ꓓꓷ ꓦꓱ ꓐꓰ ꓥꓱ ꓗꓷ˗ꓚꓷ ꓘꓳ˗ꓟꓲ ꓠꓯꓸ ꓟꓐꓴ˗ꓟꓐꓴ ꓠꓯ。 15 ꓟꓴ˗ꓔꓵ ꓠꓷ ꓘꓴ ꓞꓷ ꓕꓷꓹ ꓫꓲ ꓠꓲꓱꓸ˗ꓠꓲꓱ ꓟꓱ ꓡꓳꓸ ꓘꓴ ꓚꓵ ꓠꓷ ꓟꓴ˗ꓔꓵ ꓞꓷ ꓕꓷ ꓔꓸ ꓫꓲ ꓠꓲꓱꓸ˗ꓠꓲꓱ ꓡꓳ ꓟꓴ 16 ꓘꓳ˗ꓟꓲ ꓗꓴ ꓟꓰ ꓢꓰꓹ ꓖꓴ ꓠꓯ ꓘꓳ˗ꓟꓲ ꓠꓯ。 ꓠꓴ˗ꓟꓰ ꓟꓱ ꓫꓴ 17 ꓬꓰ꓿ꓢꓴ ꓕꓷ ꓫꓲ ꓗꓳ ꓠꓖꓳ˗ꓠꓖꓳ ꓑꓴꓹ ⅄ꓲ ꓡꓳ ꓐꓴ ꓡꓰ ꓘꓭꓹ ꓕꓴ˗ꓔꓲ ꓠꓷ ꓕꓷ ꓖꓱ ꓑꓲ˗ꓑꓲ ꓠꓷꓽ ꓕꓷꓹ ꓮ˗ꓞꓷ ꓫꓱ ꓠꓷ ꓟꓰ ꓟꓲ˗ꓓꓳ ꓬꓯ。 18 ꓬꓰ꓿ꓢꓴ ꓠꓷ ꓕꓷ˗ꓠꓖꓷ ꓔꓳ ꓫꓱ ꓟꓰꓹ ꓠꓷ˗ꓠꓖꓷ ꓛꓷ ꓡ ꓟꓱ ꓟꓐꓴ˗ꓟꓐꓴ ꓡꓹ ꓟꓴ˗ꓔꓵ ꓠꓷ ꓘꓴ ꓞꓷ ꓕꓷꓹ ꓫꓲ ꓔꓳ ꓠꓲꓱꓸ˗ꓠꓲꓱ ꓟꓱ ꓡꓳ ꓕꓷꓹ ꓟꓱ ꓢꓷ ꓡ。 19 ꓕꓷ ꓖꓱ ꓠꓴ˗ꓟꓰ ꓡꓳ ꓟꓱ ꓐꓴ ꓬꓱꓹ ꓓꓴ˗ꓟꓰ ꓡꓳ ꓐꓴ ꓦꓷꓹ ꓡꓰ ꓚꓵ ꓛꓲꓶ˗ꓠꓓꓳ ꓡꓳ ꓠꓙꓴ ꓦꓷꓹ ꓛꓷ ꓠꓴ ꓠꓜꓷ ꓖꓴ˗ꓜꓰ ꓕꓷ ꓪ ꓟꓰꓹ ꓫꓴꓸ˗ꓫꓱ ꓟꓱꓹ ꓫꓱ ꓟꓰ ꓪ。 20 ꓡꓰ ꓚꓵ ꓫꓱ ꓟꓰꓹ ꓫꓲ ꓖꓱ ꓗꓳ ꓡꓳ ꓠꓷ ꓟꓴ˗ꓔꓵ ꓕꓴ ꓞꓷ ꓢꓷꓹ ꓫꓲ ꓚꓲꓶ ꓠꓲꓱꓸ˗ꓠꓲꓱ ꓡꓳ ꓟꓳ。 21 ꓘꓴ ꓚꓵ ꓗꓳ ꓠꓷ ꓕꓴ ꓞꓷ ꓕꓷ ꓠꓴꓹ ꓫꓲ ꓖꓱ ꓠꓴ˗ꓟꓰ ꓗꓳ ꓖꓱ ꓘꓪ ꓢꓴ˗ꓠꓓꓴ ꓞꓷ ꓕꓷꓹ ꓒꓴ˗ꓠꓷ ꓘꓪ ꓫꓶ ꓐꓰ。 22 ꓫꓲ˗ꓘꓴ ꓫꓲ˗ꓜꓶꓹ ꓢꓵ˗ꓢꓵ ꓘꓳ˗ꓘꓳꓹ ꓛꓷ ꓘꓪ˗ꓛꓷ˗ꓛꓱꓹ ꓫꓲ˗ꓚꓵꓽ˗ꓫꓲ˗ꓗꓪꓸ ꓠ⅄ꓱ˗ꓟꓐꓴꓹ ꓠꓴ˗ꓟꓱ ꓠꓲꓹ ꓠ⅄ꓲ˗ꓠꓓꓴ ꓑꓶ ꓔꓶꓹ ꓣꓪ˗ꓠꓙꓷꓹ ꓟꓱ˗ꓠꓴ ꓟꓱ ꓬꓲ。 23 ꓘꓪ˗ꓟꓰ ꓕꓷ ꓑꓰ ꓓꓷ ꓦꓱ ꓐꓰ ꓠꓴ ꓘꓴ˗ꓚꓵ ꓠꓷ ꓟꓴ˗ꓔꓵ ꓕꓴ ꓞꓷ ꓟꓰ ꓪꓹ ꓕꓷ ꓢꓰ ꓟꓰ ꓫꓲ ꓚꓲꓶ ꓠꓲꓱꓸ˗ꓠꓲꓱ ꓡꓳ。 ꓠꓲ˗ꓠꓴ˗ꓟꓰ ꓮ˗ꓓꓰ ꓬꓱ 24 ꓬꓰ꓿ꓢꓴ ꓕꓷ ꓕꓳ ꓡꓳ ꓠꓷ ꓖꓱ ꓔꓷ ꓑꓴꓹ ꓕꓴꓰ˗ꓡꓳꓹ ꓢꓲ˗ꓔꓴꓰ ꓓꓵ ꓕꓴ ꓘꓭꓹ ꓫꓲ ꓗꓳ ꓐꓴ ꓘꓭꓹ ꓫꓲ ꓠꓷ ꓠꓳ ꓚꓶ ꓠꓯ ꓟꓱ ꓴ ꓟꓰꓹ ꓗꓸ˗ꓗ ꓟꓱ ꓜꓯ ꓒꓲ。 25 ꓕꓷ ꓘꓹ ꓠꓲ˗ꓠꓴ˗ꓟꓰ ꓓꓷ ꓖꓴ ꓖꓱ ꓟꓲ˗ꓣꓪꓰ ꓕꓷ ꓛꓱ˗ꓞꓴ ꓠꓷ ꓔꓯ ꓒꓲꓹ ꓬꓰ꓿ꓢꓴ ꓖꓱ ꓫꓶ ꓓꓷ ꓟꓲ ꓠꓷꓹ ꓒꓭ ꓠꓷ ꓡꓰ ꓞꓷ ꓬꓱꓹ ꓕꓷ ꓗꓯ ꓞꓭ ꓬꓯ。 26 ꓠꓲ˗ꓠꓴ˗ꓟꓰ ꓛꓷ ꓫꓲ˗ꓡꓲ˗ꓠꓲ ꓪꓹ ꓢꓵ˗ꓡꓲ˗ꓧꓰ˗ꓠꓲ˗ꓚꓲ ꓖꓱ ꓛꓵ ꓡꓳ ꓬꓲꓹ ꓕꓷ ꓠꓷ ꓬꓰ꓿ꓢꓴ ꓗꓯꓹ ꓞꓴ ꓠꓓꓵ ꓬꓱ ꓫꓱ ꓖꓷ˗ꓬꓲ ꓬꓯ。 27 ꓬꓰ꓿ꓢꓴ ꓠꓷ ꓕꓷ ꓔꓳ ꓫꓱ ꓟꓰꓹ ꓣꓳ ꓟꓲ ꓢꓷ ꓗꓯ ꓠꓷ ꓠꓜꓷ ꓖꓷ ꓚꓶ ꓠꓯꓸ ꓣꓳ ꓟꓲ ꓖꓱ ꓑ˗ꓑ ꓬꓵ ꓑꓴꓹ ꓘꓷ ꓬꓱ ꓖꓴ ꓟꓱ ꓠꓲ。 28 ꓠꓲ˗ꓠꓴ˗ꓟꓰ ꓠꓷ ꓫꓱ ꓟꓰꓹ ꓦꓰꓹ ꓖꓷ ꓟꓰ ꓪꓹ ꓠꓻ ꓘꓷ ꓕꓷ ꓢꓯ˗ꓡꓯ ꓐꓴ ꓠ⅄ꓵ ꓢꓰꓹ ꓣꓪꓰ ꓖꓱ ꓦ ꓐꓵꓸ˗ꓐꓵꓽ ꓡ ꓢꓭ ꓠꓜꓷ ꓬꓯ。 29 ꓬꓰ꓿ꓢꓴ ꓠꓷ ꓕꓷ ꓔꓳ ꓫꓱ ꓟꓰꓹ ꓗꓷ˗ꓚꓷ ꓛꓷ ꓣꓴ ꓝꓷ ꓖꓷ ꓠꓷꓹ ꓠꓷ ꓡꓰ ꓴ ꓐꓷ ꓕ ꓢꓰꓹ ꓞꓴ ꓡ ꓠꓷ ꓟꓲꓸ ꓗꓳ ꓡꓰ ꓠꓖꓳ˗ꓠꓖꓳ ꓢꓰ 30 ꓕꓷ ꓡꓰ ꓴ ꓦꓷ ꓢꓰꓹ ꓣꓪꓰ ꓚꓪ ꓗꓴ ꓕꓰ ꓬꓲ ꓬꓱꓹ ꓞꓴ ꓠ⅄ꓲ ꓢꓰ ꓐꓰꓹ ꓓꓳ ꓬꓯ。 ꓦꓰ˗ꓟꓐꓴꓹ ꓫꓲꓸ˗ꓡꓳ ꓡꓰ ꓗ ꓚꓶ 31 ꓬꓰ꓿ꓢꓴ ꓕꓷ ꓕꓴꓰ˗ꓡꓳ ꓓꓵ ꓠꓖꓳ˗ꓠꓖꓳ ꓫꓲ˗ꓔꓴꓰ ꓡꓳꓸ ꓑꓴꓹ ꓔꓲ˗ꓚ˗ꓑꓳ˗ꓡꓲ ꓠꓷ ꓚ˗ꓡꓲ˗ꓡꓲ ꓖꓱ ꓦꓭ ꓘꓴ ꓕꓴ ꓞꓷ。 32 ꓫꓲ ꓠꓷ ꓦꓰ˗ꓟꓐꓴꓹ ꓫꓲꓸ˗ꓡꓳ ꓖꓱ ꓓꓷ ꓖꓴ ꓢꓴ ꓑꓴꓸ ꓬꓰ꓿ꓢꓴ ꓓꓳ ꓡꓰ ꓞꓷ ꓠꓷꓹ ꓡꓽ ꓠꓷ ꓕꓷ ꓔꓳ ꓘꓪꓱꓸ˗ꓘꓪꓱ ꓬꓱ ꓫꓱꓹ ꓖꓷ˗ꓬꓲ ꓬꓯ。 33 ꓬꓰ꓿ꓢꓴ ꓠꓷ ꓕꓷ ꓗꓴ ꓢꓴ ꓑꓴ ꓐꓵ ꓐꓱ ꓕꓴ ꓦꓷꓹ ꓡꓽ ꓡꓵ ꓠꓷ ꓕꓷꓹ ꓦꓰ˗ꓘꓳ ꓛꓲꓶ˗ꓡꓶꓹ ꓚꓲꓸ ꓠꓷ ꓫꓲ ꓔꓳ ꓟꓸ˗ꓟ。 34 ꓟꓷ˗ꓗꓴ ꓕꓰ ꓡꓵꓹ ꓢ ꓘꓭ ꓢꓰꓹ ꓕꓷ ꓔꓳ ꓫꓱ ꓟꓰꓹ (ꓬꓲ˗ꓧ˗ꓔ) ꓛꓷ ꓒꓴ ꓡ ꓫꓱ ꓠꓷ ꓟꓰ ꓪ。 35 ꓕꓷ ꓖꓱ ꓦꓰ˗ꓟꓐꓴ ꓫꓲꓸ˗ꓡꓳ ꓡ ꓡꓰ ꓗ ꓒꓲꓹ ꓗꓷ˗ꓚꓷ ꓡ ꓖꓴ ꓠꓯ ꓡꓰ ꓗꓴ ꓢꓲꓯ。 36 ꓬꓰ꓿ꓢꓴ ꓠꓷ ꓫꓲ ꓔꓳ ꓫꓱ ꓟꓱ ꓠꓲ ꓫꓱ ꓗꓳ˗ꓔꓳꓹ ꓠꓸ ꓕꓷ ꓠꓷ ꓡ ꓦ ꓗꓳ˗ꓔꓳ ꓟꓰꓹ ꓕꓷ˗ꓠꓖꓷ ꓡ ꓦ ꓘꓴ˗ꓓꓷ ꓬꓯ。 37 ꓫꓲ ꓓꓷ ꓑꓰ ꓡ ꓦ ꓟꓱ ꓠꓲꓸ˗ꓠꓲ ꓢꓰꓹ ꓫꓱ ꓟꓰꓹ ꓕꓷ ꓠꓷ ꓐꓰ ꓖꓱ ꓫꓶ ꓕꓷꓹ ꓓꓷ ꓦꓱ ꓐꓰ ꓖꓴ ꓬꓯꓹ ꓦꓰ˗ꓟꓐꓴ ꓡ ꓡꓰ ꓟꓲ ꓚꓶꓹ ꓫꓲ˗ꓡꓳ ꓡ ꓡꓰ ꓗꓷ˗ꓚꓷ ꓚꓶ ꓬꓯ。 |
Historical text published by the British and Foreign Bible Society in 1932.
British & Foreign Bible Society