PSALMS 93 - Navajo Bible

Bóhólníihii ts'ídá ayóó át'éii yee hadít'é

¹ Bóhólníihii éí nant'á; ts'ídá ayóó át'éii yee hadít'é; Bóhólníihii hadít'éego dziil yee ákászaaz. Nahasdzáán ałdó' hazhó'ó hasht'e'niiní'ą́ągo ts'ídá doo nahjį' adoot'áał da.

² Bikáá'dóó hóó'áałii éí t'áá náshiinídą́'ídi bohoníłdzilgo si'ą́. T'áá hool'áádę́ę́' honílǫ́.

³ Bóhólníihii nílíinii, tó dááląądii de dadí'nées'ąąd; tó dááląądii hózhǫ́ yéego diists'ą́ą́'; tó dááląądii deílk'ołígíí ayóó íits'a'.

⁴ Bóhólníihii Aláahgo Ayóó'át'éii éí tónteel dadiits'a'ígíí yiláahgo ábóodziil; tónteel ayóó ábóodziilgo yilk'oołígíí yiláahgo ábóodziil.

⁵ Bóhólníihii nílíinii, bee hahínídzíi'ii éí t'áá aaníí bidahoníłdzil; ahóyéel'áágóó nikin si'ą́ągi hodiyingo beełt'é.