PSALMS 87 - Navajo Bible

Záíyan hoolyéegi kééhojit'į́įgo ak'ihojidlí

¹ Dził diyinii bighą́ą'di kin bidahoníłdzilgo nideiznilii haal'á.

² T'áá ałtsogóó Jéíkab dine'é kéédahojit'į́įgi t'áá át'é biláahgo Bóhólníihii éí Záíyan kin haal'á bidáádaditį́į́h ayóó'áyó'ní.

³ Diyin God bikin haal'áii nílíinii, bee naa ha'niihii bee hada'iisdzíí'. Síilah.

⁴ Shéédahósinii bitahdóó Réíhab áádóó Bábilan baa hodeeshnih, Filístiya áádóó Táir, Iithiyópiya bił, Dííyee' diné ákwii bi'dizhchį́, ha'níi doo.

⁵ Áádóó Záíyan kót'éego baa hane' doo, Díí lą́ą, áádóó níléí ałdó' Záíyangi bi'dizhchį́, háálá Aláahgo Ayóó'át'éii t'áá bí Záíyan hohoníłdzilgo áhodoolííł.

⁶ Bóhólníihii éí, Díí lá ákwii bi'dizhchį́, níigo dadine'é bízhi' ádeile'go yółta' doo. Síilah.

⁷ Dahataałii índa sin yee dahataałgo bee na'a'néii yee nidaanéhígíí áadi aheełt'éego ádaaní, Shito' hadaazlínígíí t'áá ałtso nits'ą́ą́dóó hólǫ́.