PSALMS 70 - Navajo Bible

Yisdáho'didooltééł biniyé sohodizin

¹ Diyin God nílíinii, tsį́įłgo yisdáshíłteeh! Bóhólníihii nílíinii, tsį́įłgo shíká anilyeed!

² Dahodiyiilyééł dashó'níinii bíni'dii t'óó baa yádahasingo índa t'óó bił ałtaa daha'a'go ádabi'dólne'! Atídahodiilnííł dashó'níinii bíni'dii t'ą́ą́' kónánídléehgo t'óó bił ałtaa daha'a'go ádabi'dólne'!

³ Ts'íigo, ts'íigo, daaníinii bíni'dii t'óó baa yáhásinii bee k'éédabi'dólne'!

⁴ Háni'dii hadaninitáii t'áá ałtso bił nidahoozhǫǫh áádóó ninahjį' bił dahózhǫ́ǫ le'! Nibee yisdá'iildééh ayóó'ádayó'níinii t'áá áłahíjį', Bíni'dii Diyin God éí ayóó át'éego baa ha'niih, daaníi le'!

⁵ Nidi shahojoobá'í áádóó hojooba' hoséł'ą́. Diyin God nílíinii, tsį́įłgo shaa honíleeh! Jó, shíká análwo'ii áádóó yisdáshiiłteehii nílį́. Bóhólníihii nílíinii, t'áadoo t'ah níníziní!